Xahiş edirik Vezife.az platformasından (bundan sonra “Platforma” və ya “Vezife.az”) istifadə etməzdən əvvəl Məxfilik Siyasəti və İstifadə şərtlərini diqqətlə oxuyun. Siz bu Platformaya daxil olmaqla və ya ondan istifadə etməklə bu şərtləri qəbul etdiyinizi təsdiq etmiş olursunuz.

Ümumi Məlumat

Vezife.az – iş elanlarının yayımını həyata keçirən onlayn platformadır. İş elanları Azərbaycan Respublikasında dövlət qeydiyyatına alınmış vergi ödəyicilərindən (bundan sonra İşəgötürən) onların əməkdaşları və ya nümayəndələri vasitəsilə qəbul olunur və son istifadəçilərə (bundan sonra İş axtaran) vezife.az veb-saytı və Platformanın sosial media səhifələri üzərindən təqdim edilir.

Vezife.az işəgötürən deyil, işaxtaran və işəgötürən arasında əlaqə yaradan platformadır.

İstifadə Şərtləri

Bu İstifadə Şərtləri sizinlə Vezife.az arasında bağlanan, platformadan və onunla əlaqədar bütün məzmunun istifadəsini tənzimləyən hüquqi razılaşmadır.

PLATFORMADAN İSTİFADƏ ETMƏKLƏ BU İSTİFADƏ ŞƏRTLƏRİ İLƏ RAZILAŞMIŞ OLURSUNUZ. RAZI DEYİLSİNİZSƏ, PLATFORMADAN İSTİFADƏ ETMƏYİN.

2.1. Ümumi İstifadə Qaydaları

Vezife.az platforması Azərbaycan Respublikasında qeydiyyatdan keçmiş şirkət və fərdi sahibkarlara xidmət göstərir.
Vezife.az işəgötürən deyil, yalnız işaxtaran və işəgötürən arasında əlaqə yaradan platformadır.
Platformadan istifadəni öz təşəbbüsünüzlə seçirsiniz və yalnız bu şərtlər, qüvvədə olan qanunlar və normativlər çərçivəsində istifadəyə razılıq verirsiniz.
Qeydiyyat zamanı tələb olunan e-mail ünvanı yeniliklər, xəbərlər, kampaniyalar və əlaqə məqsədi ilə istifadə oluna bilər.

2.2. Təqdim Edilən Məlumatların Doğruluğu

İşəgötürən (şirkət və ya fərdi sahibkar), onun əməkdaşı və ya nümayəndəsi iş elanının Vezife.az platformasında dərc edilməsi üçün aşağıdakıları zəmanət verir:

Müraciətdə özü və çalışdığı şirkət haqqında göstərdiyi məlumatların doğru olduğunu.
Yanlış məlumat nəticəsində yarana biləcək zərərlərə görə tam məsuliyyət daşıdığını.
Vakansiya elanının müraciət etdiyi şirkətə və ya fərdi sahibkara məxsus olduğunu.
Vakansiya elanında qeyd olunan məlumatların həqiqiliyini.
Vakansiya elanı üzrə daxil olan hər müraciətə baxılacağını.
İşaxtaranla yazışmalar, telefon danışıqları və görüş zamanı etika qaydalarına əməl edəcəyini.
Namizədlərdən heç bir əlavə ödəniş və ya kart məlumatları tələb etməyəcəyini.

2.3. İş Elanlarının Yerləşdirilməsi Qaydaları

Qəbul olunan elanlara tələblər:

Vakansiya adı ilə kateqoriya uyğunluq təşkil etməlidir.
Bir vakansiya başlığında yalnız bir vəzifə adı qeyd oluna bilər.
İş elanları və namizədə tələblər aydın və ətraflı izah edilməlidir.
Leksik, qrammatik və orfoqrafik normalara uyğun olmalıdır.
Əmək haqqı məbləği yalnız AZN ilə və reallığa uyğun göstərilməlidir.
Əmək haqqı boş saxlanılarsa, platformada «Razılaşma ilə» kimi göstərilir.
Natamam və ya normalara uyğun olmayan məlumatlar qəbul edilmir və ya düzəliş üçün geri göndərilir.

Qadağan olunmuş elan növləri:

Şəbəkə marketinq (MLM) növündə vakansiyalar
Tibbi, kosmetik məhsulların online satışı ilə bağlı kütləvi işə qəbul elanları
Dərman preparatlarının satışı ilə bağlı elanlar
Kriptovalyuta alqı-satqısına aid elanlar
Namizəddən hər hansı ödəniş tələb edən vakansiyalar
Fəaliyyət növü bəlli olmayan və ya şübhəli fəaliyyət göstərən elanlar

Elanların redaktəsi:

Dərc olunmuş vakansiyanın adının dəyişdirilməsi qadağandır.
Redaktə zamanı «İş haqqında məlumat» və ya «Namizədə tələblər» bölməsinin bütünlüklə dəyişdirilməsi qadağandır.
Kiçik düzəlişlər və aktuallaşdırmalar mümkündür.

2.4. Xidmətlər və Ödənişlər

Xidmətlərin qiymətləri Azərbaycan manatı (AZN) ilə göstərilir.
Qiymətlər bazar şərtlərinə uyğun olaraq dəyişə bilər.
Bütün ödənişlər rəsmi ödəniş üsulları ilə qəbul edilir.
Müraciətçinin təqdim etdiyi məlumatlar və iş elanının mətni Vezife.az tələblərinə uyğun olduqda yayım xidməti göstərilir.
Məlumatlar saxta, qeyri-dəqiq və ya yarımçıq olarsa, iş elanının dərcindən imtina olunur və bu barədə müraciətçiyə bildiriş göndərilir.
Ödəniş edildikdən və elan təsdiqləndikdən sonra 24 saat ərzində platformada yerləşdirilir.
Texniki problem kimi müstəsna hallarda xidmətin göstərilməsi gecikə bilər.

2.5. Geri Ödəniş Siyasəti

Elan təsdiqlənib platformada yerləşdirildikdən sonra xidmət haqqı geri qaytarılmır.
Elan Vezife.az tərəfindən qəbul edilmədikdə (məzmun tələblərə uyğun olmadıqda) ödəniş 30 gün ərzində geri qaytarılır.
Texniki nasazlıqdan qaynaqlanan xidmət kəsilmələri zamanı tərəflər qarşılıqlı razılıq əsasında məsələ həll edilir.
Geri ödəniş tələbləri support@vezife.az ünvanına problem yarandıqdan sonra 24 saat ərzində təqdim edilməlidir.

2.6. İş Elanının Paylaşılma Müddəti

Yoxlanış, sənədləşmə və ödəniş mərhələləri tamamlandıqdan sonra iş elanı 24 saat ərzində paylaşılır.
Vakansiyanın platformada yayımlanma müddəti 30 gündür.
Müddət bitdikdən sonra elan avtomatik olaraq deaktiv olunur.

2.7. Vezife.az-ın Məsuliyyəti və Zəmanətləri

Vezife.az öhdəsinə götürür:

İş elanlarının platformada yayımlanmasını təmin etmək.
İşaxtaranlara elana müraciət imkanı yaratmaq.
Texniki dəstək göstərmək.

Vezife.az məsuliyyət daşımır:

İş elanı üzrə müraciət sayına — müraciət olmadıqda xidmət haqqı geri qaytarılmır.
İş elanlarının məzmununun doğruluğuna — bu məsuliyyət işəgötürənin üzərinə düşür.
İşəgötürən ilə işaxtaran arasında aparılan yazışmalar, telefon danışıqları və görüşlərə.
İşəgötürən əməkdaşlarının və işaxtaranların fərdi hərəkətlərinə.
Platformanın bəzi hallarda müvəqqəti əlçatan olmamasına (texniki işlər, fors-major).

2.8. Kartdan İstifadə Məsuliyyəti

Ödənişi həyata keçirən şəxs istifadə etdiyi bank kartının sahibi olduğunu, yaxud kart sahibinin tam yazılı icazəsi ilə hərəkət etdiyini təsdiqləmiş sayılır.
18 yaşından kiçik şəxslər Platformadan müstəqil ödəniş həyata keçirə bilməz. Valideynin xəbəri olmadan həyata keçirilmiş ödənişlərə görə məsuliyyət müştərinin üzərindədir.
Yuxarıdakı hallarda Vezife.az geri ödəniş və ya xidmətin ləğvini təmin etmə öhdəliyi daşımır.

2.9. Qadağan Olunmuş Fəaliyyətlər

Platformadan istifadə zamanı aşağıdakılar qəti qadağandır:

Yalan, saxta və ya aldadıcı məlumatlar təqdim etmək.
İrqi, etnik, dini ayrı-seçkiliyə yol vermək.
Dövlət əleyhinə çağırışlar, terrorçuluq, zorakılıq və ekstremizm təbliğatı.
Başqasının hesabından icazəsiz istifadə.
Uyğun olmayan ifadələr, şəkillər və ya məzmun yerləşdirmək.
Platformanın proqram təminatına müdaxilə etmək və ya onu zədələməyə cəhd etmək.

2.10. Təhlükəsizlik və Hesabın Qorunması

Hər bir e-mail ünvanı və telefon nömrəsi ilə yalnız bir hesab yarada bilərsiniz.
Hesabınızın təhlükəsizliyi sizin məsuliyyətinizdədir.
Hesabın icazəsiz istifadəsini aşkar etdikdə dərhal support@vezife.az ünvanına məlumat verməlisiniz.
Güclü və unikal şifrə seçilməsi, şifrənin mütəmadi yenilənməsi tövsiyə olunur.

2.11. Üzvlük Şərtləri və Hesabın Məhdudlaşdırılması

Platforma administrasiyası aşağıdakı hallarda istifadəçinin platformadan istifadəsini məhdudlaşdıra, hesabı müvəqqəti blok edə və ya deaktiv edə bilər:

Yalan məlumatlar təqdim edildikdə.
Qadağan olunmuş fəaliyyətlər həyata keçirildikdə.
İstifadə şərtləri pozulduqda.
Uyğun olmayan məzmun paylaşıldıqda.
Kommersiya məqsədli qeyri-qanuni fəaliyyət aşkar edildikdə.

Belə hallarda istifadəçi heç bir hüquq və kompensasiya tələb edə bilməz.

2.12. Texniki Xidmətlər və Əlaqə

Platforma 7/24 aktivdir.
Planlı texniki işlər zamanı qısa müddətli fasilələr baş verə bilər.
Müştəri dəstəyi həftənin bazar ertəsi–cümə günləri saat 10:00–18:00 arasında aktivdir.
Əlaqə: support@vezife.az

2.13. Hüquqlar və Məsuliyyətlər

Platforma administrasiyasının hüquqları:

Platformada və qaydalarda dəyişiklik etmək (istifadəçilərə əvvəlcədən bildiriş verilir).
Qaydaları pozan istifadəçilərə məhdudiyyət tətbiq etmək.
Uyğunsuzluq olan hesabları ləğv etmək.
İstifadəçi haqqında şikayəti səlahiyyətli orqanlara bildirmək.
Platformanın adından və loqosundan mülkiyyət hüququ ilə istifadə etmək.

İstifadəçinin məsuliyyəti:

Şəxsi kabinetdə qeyd etdiyi bütün məlumatlar üçün tam məsuliyyət daşımaq.
Bütün xanaları doğru məlumatlarla doldurmaq.
Platformanın qaydalarına riayət etmək.

2.14. Şərtlərin Dəyişdirilməsi

Vezife.az istənilən vaxt bu Məxfilik Siyasəti və İstifadə Şərtlərini dəyişmək hüququnu özündə saxlayır. Yenilənmiş şərtlər platformada dərc edilir. Mühüm dəyişikliklər olduqda saytda bildiriş göstərilə bilər. Dəyişiklikdən sonra platformadan davam edən istifadəniz yeni şərtlərin qəbul edilməsi kimi qəbul olunur.

2.15. Qanunvericilik və Məhkəmə Yurisdiksiyası

Bu şərtlər Azərbaycan Respublikasının qanunvericiliyi ilə tənzimlənir. Mübahisəli hallar Azərbaycan Respublikasının müvafiq məhkəmələrində həll olunur. Platformadan istifadə etməklə siz Azərbaycan Respublikası məhkəmələrinin yurisdiksiyasını qəbul edir və ona etiraz bildirmirsiniz.

Yekun Bəyanat

PLATFORMAYA ÜZV OLMAQ İSTƏYƏN VƏ PLATFORMADAN İSTİFADƏ EDƏN HƏR KƏS BU MƏXFİLİK SİYASƏTİ VƏ İSTİFADƏ ŞƏRTLƏRİNİ SONADƏK OXUDUĞUNU, BAŞA DÜŞDÜYÜNÜ VƏ QƏBUL ETDİYİNİ TƏSDİQ EDİR.

Qeydiyyatdan keçməklə və ya Platformadan istifadə etməklə siz bu sənəddə göstərilən bütün şərtlərlə tam razılaşmış hesab olunursunuz.