AI və biznes analitikası üzrə mütəxəssis

Bakıda AI və biznes analitikası üzrə mütəxəssis axtarılır. Vəzifə maliyyə, satış və əməliyyat göstəricilərinin təhlili, Dashboard hazırlanması və hesabatlılığın optimallaşdırılmasını əhatə edir.

İş şəraiti

• İş rejimi: 5 gün, saat 08.30-17.30
• İş yeri: Bakı şəhəri, Ulduz metrosu yaxınlığı
• Servis mövcuddur
• Əməkhaqqı: razılaşma yolu ilə

Şirkət maliyyə, satış və əməliyyat göstəricilərinin təhlili, məlumatların vahid sistemdə toplanması və rəhbərliyin qərarvermə prosesini dəstəkləyən interaktiv Dashboard və hesabatların hazırlanması üçün AI və Biznes Analitikası üzrə Mütəxəssis axtarır.

Bu rolda çalışan şəxs CEO ilə birbaşa işləyərək biznes göstəricilərini analiz edəcək, əsas KPI-ları izləyəcək və AI alətlərindən istifadə etməklə hesabatlılıq və analiz proseslərinin avtomatlaşdırılmasına töhfə verəcək.

Təcrübəsi az olan namizədlər üçün

• Böyük iş təcrübəniz olmasa da, Power BI, Excel və AI alətlərindən istifadə edərək hazırladığınız fərdi layihələr, Dashboard-lar və ya portfolio nümunələriniz varsa, müraciət etməyiniz tövsiyə olunur.
• Şirkət üçün əsas meyar yalnız əvvəlki iş təcrübəsi deyil, analitik düşüncə, praktiki bacarıqlar, öyrənmə sürəti və yeni texnologiyalardan effektiv istifadə etmək bacarığıdır.

Əsas vəzifə öhdəlikləri

• Müxtəlif departamentlərdən daxil olan məlumatların toplanması, təmizlənməsi, strukturlaşdırılması və birləşdirilməsi
• Maliyyə, satış və əməliyyat məlumatlarının analizi
• CEO və rəhbərlik üçün interaktiv və dinamik Dashboard-ların hazırlanması
• KPI, ROI və digər əsas biznes göstəricilərinin monitorinqi
• Biznes nəticələrində yaranan dəyişikliklərin, risklərin və inkişaf imkanlarının müəyyənləşdirilməsi
• Müntəzəm və ad-hoc analitik hesabatların hazırlanması
• ChatGPT, Claude, Gemini və digər AI alətlərindən istifadə etməklə analiz və hesabatlılıq proseslərinin optimallaşdırılması
• Təkrarlanan analitik proseslərin avtomatlaşdırılması və işin effektivliyinin artırılması
• Məlumat əsasında rəhbərliyə əsaslandırılmış nəticə və təkliflərin təqdim edilməsi

Namizədə tələblər

• Biznes analitikası, data analitikası və ya əlaqəli sahədə 1+ il iş təcrübəsi
• Power BI, Tableau və ya Looker Studio alətlərindən biri ilə sərbəst işləmə bacarığı
• Excel / Google Sheets üzrə yaxşı biliklər: mürəkkəb düsturlar, Pivot Table və analitik modelləmə
• AI alətlərindən (ChatGPT, Claude, Gemini və s.) aktiv və effektiv istifadə bacarığı
• Prompt Engineering üzrə anlayış və praktik tətbiq bacarığı
• Analitik və sistemli düşünmə qabiliyyəti
• Məlumatları təhlil edərək nəticələri sadə və anlaşılan formada təqdim etmək bacarığı
• Detallara diqqət və yüksək öyrənmə qabiliyyəti

CV-nizi və varsa Dashboard / Power BI / Excel / AI layihələrinizdən portfolio nümunəsini mövzu hissəsində “AI və Biznes Analitikası üzrə Mütəxəssis” qeyd etməklə Müraciət et düyməsində göstərilən elektron poçt ünvanına göndərə bilərsiniz.