Xırdalan şəhərində anbar nəzarətçisi vakansiyası üzrə işçi axtarılır. Gecə növbəsi, 1 gün iş və 2 gün istirahət qrafiki ilə rəsmi iş imkanı təklif olunur.
İş yeri və işəgötürən
İş yeri Xırdalan şəhərində yerləşən anbardır. İşəgötürən “GFC” MMC-dir, şirkət KFC, Pizza Hut və Simit Sarayı restoranlar şəbəkəsinə daxildir.
Namizədə tələblər
- Orta ixtisas və ya orta təhsilli olmaq;
- Müvafiq vəzifədə azı 2 il iş təcrübəsi;
- Səlis Azərbaycan dili bilikləri;
- Komandada işləmək bacarığı;
- Yüksək müşahidə qabiliyyəti, diqqətlilik və məsuliyyətlilik;
- Dürüst, etibarlı və nizam-intizamlı olmaq;
- Rəhbərliyin göstərişlərini vaxtında və düzgün yerinə yetirmək;
- Stressli və fövqəladə vəziyyətlərdə operativ qərar vermək bacarığı;
- Kamera nəzarət sistemləri üzrə ilkin bilik və ya təcrübə üstünlükdür;
- AR SQ-də hərbi xidmət keçmiş olması arzuolunandır.
Əsas vəzifə öhdəlikləri
- Növbəli iş qrafikinə uyğun olaraq işə vaxtında gəlmək, növbəni daxili qaydalara əsasən təhvil almaq və təhvil vermək;
- Əməkdaşların, qonaqların və ziyarətçilərin anbar ərazisinə giriş-çıxışına nəzarət etmək və qeydiyyat aparmaq;
- Giriş-çıxış zamanı nəqliyyat vasitələrinin yoxlanılmasını təmin etmək;
- Şəxsi çanta, paket və digər əşyaların giriş və çıxışda yoxlanılmasını həyata keçirmək;
- Şübhəli hallarda şəxslərin üst geyimlərinə və ciblərinə baxış keçirmək;
- Qonaqların anbar ərazisində təhlükəsiz və nizamlı şəkildə yönləndirilməsini, zərurət olduqda müşayiət olunmasını təmin etmək;
- Anbar ərazisində yerləşən maddi dəyərlərin qorunmasına nəzarət etmək və onları daim izləmək;
- Gündəlik təhlükəsizlik jurnallarını doldurmaq və növbə üzrə hesabat hazırlamaq;
- Anbar ərazisində təhlükəsizlik qaydalarına riayət olunmasına nəzarət etmək;
- Növbə təhvil-təslimi zamanı məlumatların tam və dəqiq ötürülməsini təmin etmək;
- Aşkar edilən pozuntular, şübhəli və təhlükə yaradan hallar barədə rəhbərliyə operativ məlumat vermək və ilkin tədbirlər görmək;
- Münaqişəli vəziyyətlərin qarşısını almaq, yaranan halları qanunvericiliyə və daxili qaydalara uyğun şəkildə nəzarətdə saxlamaq;
- Növbə zamanı baş verən hadisələr və görülən işlər barədə müəyyən olunmuş qaydada hesabat təqdim etmək;
- Zərurət yarandıqda kamera nəzarət sistemləri vasitəsilə ərazini izləmək və şübhəli halları müşahidə etmək;
- Rəhbərliyin tapşırıq və göstərişlərini vaxtında və dəqiq icra etmək.
İş şəraiti
- Azərbaycan Respublikası Əmək Məcəlləsinə uyğun sənədləşmə;
- İş rejimi: gecə növbəsi, 1 gün iş, 2 gün istirahət;
- İş yeri: Xırdalan şəhəri, anbar;
- Əmək haqqı: 660 AZN;
- Müasir idarəetmə sistemi və mehriban kollektiv.
Müraciət qaydası
Maraqlanan namizədlər CV-lərini e-mailin mövzu hissəsində “Anbar Nəzarətçisi” yazmaqla Müraciət et düyməsində göstərilən elektron poçt ünvanına göndərə bilərlər. Yalnız seçilmiş namizədlərlə əlaqə saxlanılacaq.
