Anbar Nəzarətçisi

GFC MMC — KFC, Pizza Hut və Simit Sarayı restoran şəbəkəsinin Xırdalan şəhərindəki anbar obyektinə Anbar Nəzarətçisi vəzifəsi üzrə işçi qəbulu elan edir. Vəzifə, anbar ərazisinin təhlükəsizliyinin təmin edilməsi, giriş-çıxış nəzarəti və müvafiq sənədləşmənin aparılmasını əhatə edir.

Namizədə olan tələblər

• Orta ixtisas və ya orta təhsil səviyyəsi;
• Eyni və ya oxşar vəzifədə 2-4 il iş təcrübəsi;
• Azərbaycan dilini sərbəst bilmək;
• Komanda daxilində işləmək bacarığı;
• Yüksək müşahidəçilik, diqqətlilik və məsuliyyət hissi;
• Dürüstlük, etibarlılıq və intizam;
• Rəhbərliyin tapşırıqlarını vaxtında və düzgün yerinə yetirmək;
• Gərgin və fövqəladə situasiyalarda tez qərar qəbul etmək bacarığı;
• Kamera nəzarət sistemləri üzrə bilik və ya təcrübə üstünlük sayılır;
• Azərbaycan Respublikası Silahlı Qüvvələrində hərbi xidmətin keçirilmiş olması arzuolunandır.

Əsas iş vəzifələri

• Növbəli iş qrafikinə uyğun işə vaxtında gəlmək, növbəni daxili qaydalar çərçivəsində qəbul etmək və təhvil vermək;
• Əməkdaşların, qonaqların və ziyarətçilərin anbar ərazisinə giriş-çıxışını nəzarətdə saxlamaq və qeydiyyatını aparmaq;
• Giriş-çıxış zamanı nəqliyyat vasitələrinin yoxlanılmasını həyata keçirmək;
• Şəxsi çanta, paket və digər əşyaların giriş-çıxış zamanı yoxlanılmasını təmin etmək;
• Lazım gəldikdə şübhəli şəxslərin üst geyim və ciblərinə baxış keçirmək;
• Qonaqları anbar ərazisində nizamlı şəkildə istiqamətləndirmək, zərurət yarandıqda müşayiət etmək;
• Anbar ərazisindəki maddi dəyərlərin qorunmasını və daimi nəzarətini təmin etmək;
• Gündəlik təhlükəsizlik jurnallarını doldurmaq və növbə üzrə hesabatları hazırlamaq;
• Anbar daxilində təhlükəsizlik qaydalarına riayət olunmasına nəzarət etmək;
• Növbə təhvil-təslimi zamanı bütün məlumatların tam və dəqiq ötürülməsini təmin etmək;
• Aşkar edilmiş pozuntular, şübhəli və ya təhlükəli hallar barədə rəhbərliyə dərhal məlumat vermək və ilkin tədbirlər görmək;
• Münaqişəli vəziyyətlərin qarşısını almaq, yaranmış halları qanunvericilik və daxili qaydalara uyğun idarə etmək;
• Növbə ərzində baş verən hadisələr və görülən tədbirlər barədə müəyyən edilmiş qaydada hesabat təqdim etmək;
• Zərurət olduqda kamera nəzarət sistemi vasitəsilə ərazinin monitorinqini aparmaq və şübhəli halları izləmək;
• Rəhbərliyin göstəriş və tapşırıqlarını vaxtında və dəqiq icra etmək.

İş şəraiti

• Azərbaycan Respublikası Əmək Məcəlləsinə uyğun rəsmi sənədləşmə;
• Növbəli iş rejimi: 1 iş günü / 1 istirahət günü;
• İş yeri: Xırdalan şəhəri, anbar obyekti;
• Aylıq əmək haqqı: 660 AZN.