Xırdalan şəhərində anbar növbətçisi vakansiyası üzrə işçi axtarılır. Bu iş elanı təhlükəsizlik və anbar nəzarəti sahəsində təcrübəsi olan namizədlər üçün nəzərdə tutulub.
Namizədə aid tələblər
- Orta ixtisas və ya orta təhsil;
- Müvafiq vəzifədə ən azı 2 il iş təcrübəsi;
- Səlis Azərbaycan dili biliyi;
- Komanda ilə işləmək bacarığı;
- Yüksək müşahidə qabiliyyəti, diqqətlilik və məsuliyyətlilik;
- Dürüst, etibarlı və nizam-intizamlı olmaq;
- Rəhbərliyin tapşırıqlarını vaxtında və düzgün yerinə yetirmək;
- Stressli və fövqəladə hallarda operativ qərar vermək bacarığı;
- Kamera nəzarət sistemləri üzrə ilkin bilik və ya təcrübə üstünlükdür;
- AR SQ-də hərbi xidmət keçmiş olmaq arzuolunandır.
Əsas vəzifə öhdəlikləri
- Növbəli iş qrafikinə uyğun olaraq işə vaxtında gəlmək, növbəni daxili qaydalara əsasən təhvil almaq və təhvil vermək;
- Əməkdaşların, qonaqların və ziyarətçilərin anbar ərazisinə giriş-çıxışına nəzarət etmək və qeydiyyat aparmaq;
- Giriş və çıxış zamanı nəqliyyat vasitələrinin yoxlanılmasını təmin etmək;
- Şəxsi çanta, paket və digər əşyaların giriş-çıxış zamanı yoxlanılmasını həyata keçirmək;
- Şübhəli hallarda şəxslərin üst geyimlərinə və ciblərinə baxış keçirmək;
- Qonaqların anbar ərazisində təhlükəsiz və nizamlı şəkildə yönləndirilməsini, zərurət olduqda isə müşayiət olunmasını təmin etmək;
- Anbar ərazisində yerləşən maddi dəyərlərin qorunmasını təmin etmək və onları daimi nəzarətdə saxlamaq;
- Gündəlik təhlükəsizlik jurnallarını doldurmaq və növbə üzrə hesabat hazırlamaq;
- Anbar ərazisində təhlükəsizlik qaydalarına riayət olunmasına nəzarət etmək;
- Növbə təhvil-təslimi zamanı məlumatların tam və dəqiq ötürülməsini təmin etmək;
- Aşkar edilən pozuntular, şübhəli və təhlükə yaradan hallar barədə rəhbərliyə operativ məlumat vermək və ilkin tədbirlər görmək;
- Münaqişəli vəziyyətlərin qarşısını almaq və yaranmış halları qanunvericiliyə, həmçinin daxili qaydalara uyğun şəkildə nəzarətdə saxlamaq;
- Növbə ərzində baş verən hadisələr və görülən işlər barədə müəyyən olunmuş qaydada hesabat təqdim etmək;
- Zərurət yarandıqda kamera nəzarət sistemləri vasitəsilə ərazini izləmək və şübhəli halları monitorinq etmək;
- Rəhbərliyin tapşırıq və göstərişlərini vaxtında və dəqiq icra etmək.
İş şəraiti
- Azərbaycan Respublikası Əmək Məcəlləsinə əsasən sənədləşmə;
- Növbəli iş rejimi: 1 gün iş, 1 gün istirahət;
- İş yeri: Xırdalan şəhəri, anbar;
- Əmək haqqı: 800 AZN;
- Müasir idarəetmə sistemi və mehriban kollektiv.
Vakansiya aktiv deyil, son elanlara aşağıdan keçid edin
