Anbardar köməkçisi

Bakı şəhərində anbardar köməkçisi axtarılır. Bu vakansiya anbar nizam-intizamı, sifarişlərin icrası və 1C üzrə uçot işlərini əhatə edir.

Əmək funksiyaları

• Anbar sahəsində gündəlik təmizlik işlərinin aparılmasına, ümumi nizamın qorunmasına və iş proseslərinin düzgün təşkili üzrə nəzarət edir.
• Fəhlə və texniki heyət arasında gündəlik iş bölgüsünü həyata keçirir, icra prosesini koordinasiya edir.
• Gündəlik sifariş qaimələrini qəbul edir, onları aidiyyəti əməkdaşlar arasında paylayır və sifarişlərin vaxtında, düzgün və xətasız yerinə yetirilməsinə nəzarət edir.
• Məhsulların qaimələrə uyğun seçilməsini, yoxlanılmasını, təhvil verilməsini və nəqliyyat vasitələrinə düzgün yüklənməsini təmin edir.
• Səhv yığılmış məhsulların yenidən hazırlanmasını təşkil edir, əməkdaşlara məhsulların düzgün seçimi barədə məlumat verir.
• Sifarişlərin icrası zamanı aidiyyəti şöbələr və satış menecerləri ilə əlaqəli işləyir, sifariş statusları üzrə məlumat mübadiləsini təmin edir.
• Məhsullar təhvil verilərkən təhvil-təslim sənədlərinin imzalanmasını, sürücü və nəqliyyat vasitələri üzrə məlumatların qeydiyyatını aparır.
• Təhvil edilmiş qaimələrin qəbulunu, saxlanılmasını və aidiyyəti üzrə təqdim olunmasını təmin edir.
• Məhsulların qəbulu, çeşidlənməsi, yerləşdirilməsi və saxlanılmasının anbar standartlarına uyğun təşkilinə nəzarət edir.
• İstehsalat və ya satınalma üzrə daxil olan məhsulların qaimələrə uyğun qəbulunu təmin edir, fiziki göstəricilərlə sənəd məlumatlarının uyğunluğunu yoxlayır.
• Məhsullarda aşkarlanan uyğunsuzluqlar, çatışmazlıqlar və ya defektlər barədə hesabat hazırlayır, aidiyyəti şəxsləri məlumatlandırır.
• Daxil olan məhsullar barədə aidiyyəti şöbələrin vaxtında məlumatlandırılmasını təmin edir.
• Dövri anbar sayımlarında iştirak edir, faktiki qalıqlarla sistem məlumatlarının uyğunluğunu yoxlayır və nəticələrin hesabatlaşdırılmasını təmin edir.
• Məhsul çatışmazlığı və stok uyğunsuzluğu halları barədə rəhbərliyi operativ şəkildə xəbərdar edir.
• Gündəlik sifarişlərin monitorinqini aparır və icra vəziyyətinə nəzarət edir.
• Çıxış, qəbul və təhvil-təslim qaimələrinin işlənməsini, təsdiqini, qeydiyyatını və saxlanılmasını təmin edir.
• Məhsul hərəkətini, sifariş statuslarını və sənədləri 1C proqramında qeydiyyata alır, məlumat bazasını yeniləyir və hesabatlılığı təmin edir.
• Anbara daxil olan ödənişlərin sistem üzərindən qəbulunu və uçotunu həyata keçirir.
• 1C proqramında yaranan texniki çətinliklərin aradan qaldırılması üçün aidiyyəti şəxslərlə koordinasiyalı işləyir.
• Birbaşa rəhbərin tapşırığı əsasında hesabatların hazırlanmasını və məlumat bazalarının idarə olunmasını həyata keçirir.
• Satınalma, satış, insan resursları və digər aidiyyəti şöbələrlə operativ əməkdaşlıq edir, anbar ehtiyaclarının vaxtında qarşılanmasına dəstək verir.
• Yeni işçilərin ilkin təlimatlandırılmasını həyata keçirir, məhsullar və iş prinsipləri barədə məlumat verir.
• İşçilərin iş qrafiki və məzuniyyət planlaşdırılması prosesində rəhbərliyə dəstək olur.
• Əməyin mühafizəsi, texniki təhlükəsizlik və daxili intizam qaydalarına riayət edir.
• Birbaşa rəhbər tərəfindən verilən və vəzifə funksiyalarına uyğun digər tapşırıqları yerinə yetirir.

Tələblər

• Təhsil: texniki peşə təhsili
• İş təcrübəsi: 1 il
• Kompyüter bilikləri: 1C bilikləri üstünlükdür
• Sertifikat və təlim: məhsullar barədə məlumatlılıq təlimi
• Dil biliyi: Azərbaycan dili

İxtisas səriştələri

• Məsuliyyətlilik
• Diqqətlilik
• Səliqəlilik
• Operativlik
• Hesablama bacarığı

Maraqlanan namizədlər öz CV-lərini Müraciət et düyməsində qeyd olunan elektron poçt ünvanına göndərə bilərlər.