Anbardar (nəqliyyat sahəsi üzrə)

“Uğur Industry” MMC nəqliyyat şöbəsi üzrə Anbardar vəzifəsinə işçi axtarır. İş yeri Xırdalan şəhəridir. Bakı və Sumqayıt istiqamətlərindən servis təminatı mövcuddur.

Namizədə Tələblər

• Maliyyə, mühasibat uçotu və ya iqtisadiyyat ixtisası üzrə ali təhsil;
• MS Office proqramları — xüsusilə Excel, Word və Outlook ilə praktik işləmə bacarığı;
• Diqqətli, çevik və məsuliyyətli xarakter;
• Məlumatları təhlil etmə və analiz aparma qabiliyyəti.

Əsas Vəzifə Öhdəlikləri

• Nəqliyyat şöbəsi üçün ehtiyat hissələri, yanacaq və sürtkü materialları üzrə anbar sifarişlərinin hazırlanması;
• Anbara daxil olan ehtiyat hissələri, yanacaq və sürtkü materiallarının mədaxil və məxaric əməliyyatlarının aparılması;
• Mədaxil və məxaric sənədlərinin mühafizədə qeydiyyata alınması;
• Mal-material kodu üzrə səhv göndərilmiş materialların anbardan məxaric edilməsi;
• Nəqliyyat şöbəsinə aid anbarda mal-materialların kodlar üzrə müvafiq şəkildə yerləşdirilməsi;
• İstifadə edilmiş ehtiyat hissələrinin köhnə ehtiyat hissə anbarına toplanması;
• Məlumatların proqram bazasına daxil edilməsi;
• Yararsız mal-materialların rəhbərliyin icazəsi əsasında sistemdən silinməsi;
• Hesabat sənədlərinin düzgün tərtib edilməsi və daxilindəki məlumatların doğruluğunun yoxlanılması;
• Rəhbərliyin müəyyən etdiyi forma və müddətlərə uyğun hesabatların hazırlanaraq təqdim edilməsi;
• Anbarda əməyin mühafizəsi və yanğından mühafizə qaydalarına riayət edilməsinin təmin edilməsi;
• Vəzifədən irəli gələn digər tapşırıqların yerinə yetirilməsi.

İşçiyə Təminatlar

• Günlük nahar təminatı;
• Bakı və Sumqayıt şəhərlərindən iş yerinə servis xidməti;
• Korporativ nömrə;
• Xalis əmək haqqı: 800–1000 AZN.

Müraciət Qaydası

Tələblərə cavab verdiyinizi düşünürsünüzsə, CV-nizi “Anbardar (nəqliyyat sahəsi üzrə)” mövzusu ilə elanda göstərilən e-poçt ünvanına göndərin. Yalnız uyğun namizədlər müsahibəyə dəvət olunacaq.