FBCO LLC Bakının Mərdəkan qəsəbəsindəki logistika mərkəzində fəaliyyət göstərən istehsalat sahəsi və bir neçə F&B brendinin (Gloria Jeans, Le Pain Quotidien, Boğça, Emporium) anbar təminatını idarə etmək üçün Anbar Müdiri / Anbardar vəzifəsinə namizəd axtarır. Bu rol həm istehsalat anbarını, həm də kafe və restoran anbarlarını əhatə edir; xammalın qəbulundan tutmuş ERP sistemində uçotun aparılmasına qədər bütün anbar proseslərindən birbaşa məsuliyyət daşıyır.
Vəzifə Öhdəlikləri
- Anbar üçün sifariş sorğularının hazırlanması; stok limitlərinin müəyyənləşdirilməsi və həmin limitlərə uyğun olaraq xammal və məhsul sifarişlərinin təmin edilməsi.
- İstehsalat sahəsinə daxil olan xammalların keyfiyyət mütəxəssisinin iştirakı ilə müəyyən edilmiş qəbul prosedurasına uyğun anbara alınması.
- Xammal qəbulu zamanı faktiki say və çəkilərin fakturaya uyğunluğunun yoxlanılması; aşkar edilən kəsir və ya geri qaytarma halları barədə İstehsalat Rəhbərinə, Satış əlaqələri üzrə administratorlara və əməliyyat menecerinə vaxtında məlumat verilməsi.
- Anbara qəbul olunan bütün məhsulların etiket tələblərinə uyğun şəraitdə saxlanılmasının təmin edilməsi.
- Qəbul olunan xammal fakturalarının mühasibatlığa çatdırılması və ERP sistemində anbar stokuna düzgün şəkildə salınmasına nəzarət edilməsi.
- İstehsalat sahəsinə günün birinci yarısında lazım olan xammal və qablaşdırma materiallarının əl qaiməsi ilə təhvil verilməsi və sistem üzərindən transferinin həyata keçirilməsi.
- Anbardan çıxan xammalların ERP sistemində vaxtında və düzgün şəkildə transfer edilməsi; rüblük inventarizasiyada iştirak edilməsi və anbar qalıqlarına görə məsuliyyətin daşınması.
- Xammalın qəbulu, yerləşdirilməsi və anbardan buraxılması mərhələlərinin hər birində FIFO (ilk daxil olan — ilk istifadə olunan) prinsipinə ciddi riayət edilməsi.
- Anbarda uzun müddət hərəkətsiz qalan və ya istifadə müddəti yaxınlaşan məhsullar barədə istehsalat rəhbərliyi və əməliyyat menecerlərinə yazılı məlumat verilməsi.
- Fiziki anbar qalıqlarının ERP sistemindəki məlumatlarla müntəzəm olaraq tutuşdurulması və uyğunluğun təmin edilməsi.
Tələb Olunan Bilik və Bacarıqlar
- Anbar idarəetməsi və xammal uçotu sahəsində praktiki təcrübə.
- ERP və ya anbar idarəetmə sistemlərində işləmə bacarığı.
- FIFO prinsipini tətbiq etmə bilikləri.
- Dəqiqlik, məsuliyyət hissi və vaxt idarəetmə bacarığı.
- İstehsalat və F&B mühitinə uyğunlaşma qabiliyyəti.
Vakansiya aktiv deyil, son elanlara aşağıdan keçid edin
