Bakı şəhərində fəaliyyət göstərən maliyyə təşkilatı korporativ hüquq, compliance və fintech tənzimləməsi sahəsində təcrübəli hüquqşünas axtarır. Bank və kredit təşkilatları sahəsində çalışmış, AML/KYC, ödəniş sistemləri və elektron pul xidmətləri üzrə tənzimləmə məsələlərinə bələd olan namizədlər üçün bu vakansiya uyğun ola bilər.
Vəzifə öhdəlikləri
- Şirkətin nizamnamə sənədlərinin, daxili qaydalarının və digər korporativ sənədlərin tərtib edilməsi və aktuallaşdırılması, hüquqi şəxsin dövlət qeydiyyatı, yenidən qurulması və ləğvi prosedurlarının idarə olunması
- Şirkətin müxtəlif fəaliyyət istiqamətləri üzrə müqavilələrin qüvvədə olan qanunvericiliyə uyğun tərtib edilməsi, onlara əlavə və dəyişikliklərin edilməsi, müqavilələr reyestrinin aparılması və müntəzəm yenilənməsi
- İdarə heyəti iclaslarının hüquqi baxımdan təmin edilməsi və iclas protokollarının hazırlanması
- Maliyyə bazarlarını tənzimləyən nəzarət orqanları ilə əlaqələrin hüquqi cəhətdən idarə edilməsi
- AML/KYC, GDPR tələblərinə və yerli qanunvericiliyə uyğunluğun təmin edilməsi
- Fintech lisenziyalaşdırılması, ödəniş sistemləri və elektron pul xidmətlərinə dair tənzimləmə məsələlərinin həlli
- Daxili compliance siyasətinin və prosedurlarının hazırlanması
- Şirkətin fəaliyyət sahəsinə aid yeni normativ-hüquqi aktlar barədə müvafiq əməkdaşların məlumatlandırılması
- Məhkəmələrdə, dövlət hakimiyyəti və idarəetmə orqanlarında, ictimai təşkilatlarda və digər üçüncü şəxslər qarşısında şirkətin təmsil olunması, hüquq və mənafelərinin müdafiəsi
- Şirkət tərəfindən təqdim olunan iddia ərizələrinin, şirkətə qarşı irəli sürülən iddialara dair etiraz və mülahizələrin, məhkəmə qərarlarına dair şikayətlərin hazırlanması
- Hüquqi risklərin aşkarlanması, qiymətləndirilməsi və azaldılması üzrə strategiyaların hazırlanması
- İnvestorlardan, tərəfdaşlardan və müştərilərdən daxil olan şikayət və sorğulara baxılması
- Struktur bölmələrin fəaliyyəti zamanı yaranan hüquqi məsələlərin qanunvericiliyə uyğun həll edilməsi
- Əmək mübahisələrinin tənzimlənməsi və intizam məsələlərinin hüquqi baxımdan idarə edilməsi
- Qanunvericilikdəki dəyişikliklərə vaxtında reaksiya verilməsi və şirkətin bu istiqamətdə mövqeyinin formalaşdırılması
Tələblər
- Hüquq ixtisası üzrə bakalavr və/və ya magistr dərəcəsi (tanınmış ali təhsil müəssisəsi)
- Beynəlxalq hüquq normaları sahəsində bilik
- Azərbaycan Respublikası Vəkillər Kollegiyasının üzvü olmaq üstünlük hesab olunur
- Hüquq sahəsində minimum 6 illik iş təcrübəsi
- Bank və ya kredit təşkilatlarında ən azı 2 illik iş təcrübəsi
- Azərbaycan Respublikasının Mülki, Mülki-Prosessual, İnzibati-Prosessual, Əmək Məcəllələrini, həmçinin cinayət yolu ilə əldə edilmiş gəlirlərin leqallaşdırılmasına və terrorçuluğun maliyyələşdirilməsinə qarşı mübarizə qanunvericiliyini, eləcə də Mərkəzi Bankın normativ aktlarını dərindən bilmək
- Fintech, ödəniş sistemləri və elektron bank xidmətlərinə dair tənzimləyici baza haqqında biliklərə malik olmaq
- Beynəlxalq hüquq və ya maliyyə sahəsində sertifikatların (CAMS, ICA Compliance) olması əlavə üstünlükdür
Vakansiya aktiv deyil, son elanlara aşağıdan keçid edin
