Bakıda fəaliyyət göstərən maliyyə və fintech sahəsində ixtisaslaşmış şirkət komandasına güclü hüquq biliyinə malik, korporativ hüquq və compliance sahəsində təcrübəli hüquqşünas axtarır.
Əsas iş vəzifələri
- Şirkətin təsis sənədlərinin, daxili normativ aktlarının və digər korporativ sənədlərin hazırlanması və aktuallaşdırılması, hüquqi şəxsin dövlət qeydiyyatı, yenidən qurulması və ləğvi prosedurlarının idarə olunması
- Təşkilatın müxtəlif fəaliyyət istiqamətləri üzrə müqavilələrin qüvvədə olan qanunvericiliyə uyğun tərtib edilməsi, əlavə və dəyişikliklərin işlənməsi, müqavilələr reyestrinin aparılması və mütəmadi yenilənməsi
- İdarə heyəti iclaslarının hüquqi baxımdan təmin edilməsi və protokolların hazırlanması
- Maliyyə bazarına nəzarət edən orqanlarla hüquqi münasibətlərin idarə olunması
- AML/KYC, GDPR tələblərinə və yerli qanunvericiliyə uyğunluğun təmin edilməsi
- Fintech lisenziyalaşdırılması, ödəniş sistemləri və elektron pul xidmətləri sahəsindəki tənzimləyici məsələlərin idarə edilməsi
- Daxili compliance siyasətinin və prosedurlarının hazırlanması
- Yeni qəbul edilmiş normativ-hüquqi aktlar barədə aidiyyəti əməkdaşların operativ məlumatlandırılması
- Məhkəmə, dövlət orqanları, ictimai qurumlar və üçüncü tərəflər qarşısında Cəmiyyətin təmsil olunması və hüquqlarının qorunması
- Cəmiyyət tərəfindən təqdim olunan iddia ərizələrinin, etirazların, mülahizələrin və məhkəmə qərarlarına dair şikayətlərin hazırlanması
- Hüquqi risklərin təyin edilməsi, qiymətləndirilməsi və azaldılması üzrə strategiyaların formalaşdırılması
- İnvestor, tərəfdaş və müştəri müraciətlərinin və şikayətlərinin araşdırılması
- Struktur bölmələrin fəaliyyəti zamanı yaranan hüquqi məsələlərin qanunvericilik çərçivəsində həll edilməsi
- Əmək mübahisələrinin tənzimlənməsi və intizam məsələlərinin hüquqi yolla idarə olunması
- Qanunvericilikdə edilən dəyişikliklərə vaxtında reaksiya verilməsi və şirkətin mövqeyinin formalaşdırılması
Namizədə tələblər
- Hüquq sahəsində bakalavr və/və ya magistr dərəcəsi (nüfuzlu ali təhsil müəssisəsi)
- Beynəlxalq hüquq normaları üzrə dərin biliklər
- Azərbaycan Respublikası Vəkillər Kollegiyasının üzvü olmaq üstünlükdür
- Hüquq sahəsində minimum 6 il iş təcrübəsi
- Bank və ya kredit təşkilatlarında ən azı 2 illik iş təcrübəsi
- Azərbaycan Respublikasının Mülki, Mülki-prosessual, İnzibati-prosessual, Əmək qanunvericiliyi, həmçinin cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin dərindən bilinməsi
- Azərbaycan Respublikası Mərkəzi Bankının müəyyən etdiyi normativ aktların hüquqi əsaslarına dair biliklər
- Fintech, ödəniş sistemləri və elektron bank xidmətləri sahəsindəki tənzimləmə çərçivəsinə dair məlumatlılıq
- CAMS, ICA Compliance kimi beynəlxalq hüquq və ya maliyyə sertifikatlarına malik olmaq arzuolunandır
İş şəraiti
- Vakansiya növü: Tam ştat
- Əmək haqqı: 4000–6000 AZN
Maraqlanan namizədlər “Müraciət et” düyməsi vasitəsilə göstərilən linkə keçid edərək müraciətlərini təqdim edə bilərlər.
