Bakıda aparıcı hüquqşünas vakansiyası üzrə peşəkar namizəd axtarılır. Korporativ hüquq, müqavilələr, AML/KYC və fintech tənzimləmələri üzrə biliklər tələb olunur.
Vəzifə öhdəlikləri
- Şirkətin təsis sənədlərinin, daxili qaydalarının və digər korporativ sənədlərinin hazırlanması və yenilənməsi;
- Hüquqi şəxsin dövlət qeydiyyatı, yenidən təşkili və ləğvi ilə bağlı proseslərin idarə olunması;
- Təşkilatın müxtəlif fəaliyyət istiqamətləri üzrə müqavilələrin qüvvədə olan qanunvericiliyə uyğun hazırlanması, əlavələrin və dəyişikliklərin edilməsi, müqavilə reyestrinin aparılması və mütəmadi yenilənməsi;
- İdarə heyəti iclaslarının hüquqi təminatının həyata keçirilməsi və protokolların tərtibi;
- Maliyyə bazarlarına nəzarət edən orqanlarla münasibətlərin hüquqi baxımdan idarə olunması;
- AML/KYC, GDPR və yerli qanunvericilik tələblərinə uyğunluğun təmin edilməsi;
- Fintech lisenziyalaşması, ödəniş sistemləri və elektron pul xidmətləri üzrə tənzimləmə məsələlərinin izlənməsi;
- Daxili compliance siyasəti və prosedurlarının hazırlanması;
- Təşkilatın fəaliyyəti ilə bağlı yeni qəbul olunmuş normativ-hüquqi aktlar barədə aidiyyəti əməkdaşların məlumatlandırılması;
- Məhkəmə, dövlət hakimiyyəti və idarəetmə orqanları, ictimai təşkilatlar və digər üçüncü şəxslər qarşısında Cəmiyyətin təmsil olunması və hüquq-mənafelərinin müdafiəsi;
- Cəmiyyət tərəfindən verilən iddia və digər ərizələrin hazırlanması, Cəmiyyətə qarşı qaldırılan iddialar üzrə etirazların, mülahizələrin və məhkəmə qərarlarından şikayətlərin tərtib edilməsi;
- Hüquqi risklərin müəyyənləşdirilməsi, qiymətləndirilməsi və azaldılması üçün strategiyaların hazırlanması;
- İnvestor, tərəfdaş və müştəri şikayətlərinə, sorğularına baxılması;
- Struktur və bölmələrin iş prosesində yaranan hüquqi məsələlərin qanunvericilik çərçivəsində həlli;
- Əmək mübahisələrinin həlli və intizam məsələlərinin hüquqi qaydada idarə olunması;
- Qanunvericilikdə baş verən dəyişikliklərə operativ reaksiya verilməsi və şirkətin mövqeyinin formalaşdırılması.
Tələblər
- Hüquq sahəsində bakalavr və/və ya magistr dərəcəsi, nüfuzlu ali məktəb məzunu olması;
- Beynəlxalq hüquq normaları üzrə biliklər;
- Azərbaycan Respublikasının Vəkillər kollegiyasına üzvlük üstünlükdür;
- Hüquq sahəsində ən azı 6 il iş təcrübəsi;
- Bank və kredit təşkilatlarında minimum 2 il iş təcrübəsi;
- Azərbaycan Respublikasının Mülki, Mülki-prosessual, İnzibati prosessual, Əmək, həmçinin cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyini, eləcə də Azərbaycan Respublikasının Mərkəzi Bankının müəyyən etdiyi normativ xarakterli aktların hüquqi əsaslarını dərindən bilmək;
- Fintech, ödəniş sistemləri və elektron bank xidmətləri sahəsində tənzimləmə bazasını bilmək;
- Beynəlxalq hüquq və ya maliyyə sertifikatları, o cümlədən CAMS və ICA Compliance arzu olunandır.
İş şəraiti
Vakansiya növü: tam ştat
Əmək haqqı: 4000 – 6000 AZN
Vakansiya aktiv deyil, son elanlara aşağıdan keçid edin
