Bakıda aparıcı mühasib vakansiyası üzrə peşəkar mütəxəssis axtarılır. Bu iş mühasibat uçotu, vergi hesabatları və maliyyə əməliyyatları sahəsində təcrübəsi olan namizədlər üçündür.
Vəzifə öhdəlikləri
- Şirkətin gündəlik mühasibat və vergi uçotunun düzgün və vaxtında aparılması;
- Vergi, DSMF, statistika və digər dövlət hesabatlarının hazırlanması və müəyyən olunmuş müddətlərdə təqdim edilməsi;
- Əmək haqqı, məzuniyyət, xəstəlik vərəqələri, son haqq-hesab və digər ödənişlərin dəqiq hesablanmasına nəzarət edilməsi;
- Debitor və kreditor borclarının izlənilməsi, hesablaşmaların düzgünlüyünün yoxlanılması;
- Bank, kassa, əsas vəsait və mal-material əməliyyatlarının uçotunun aparılması;
- Vergi, sosial sığorta, gömrük və digər məcburi ödənişlərin düzgün hesablanmasına və vaxtında ödənilməsinə nəzarət edilməsi;
- Mühasibat sənədlərinin və elektron qaimə-fakturaların düzgün rəsmiləşdirilməsinin təmin olunması;
- Aylıq, rüblük və illik hesabatların hazırlanması, məlumatların dəqiqliyinin təmin edilməsi;
- Mühasibat və vergi qanunvericiliyində baş verən dəyişikliklərin izlənilməsi və iş prosesinə tətbiq edilməsi.
Tələblər
- Maliyyə, mühasibat uçotu və ya iqtisadiyyat üzrə ali təhsil;
- Mühasibatlıq və ya maliyyə sahəsində minimum 3 il iş təcrübəsi, aparıcı mühasib və ya oxşar vəzifədə təcrübə üstünlükdür;
- Mühasibat və vergi qanunvericiliyi üzrə yaxşı biliklər;
- 1C 8.3 ERP və MS Office, xüsusilə Excel proqramında işləmək bacarığı;
- Azərbaycan dili əla səviyyədə, rus dili arzuolunandır;
- Məsuliyyətlilik, dəqiqlik və analitik düşünmə bacarığı.
İş şəraiti
- İş yeri: Nəsimi rayonu, Tbilisi prospekti 48/C
- İş rejimi: 5 günlük iş həftəsi;
- Əmək haqqı: 1000–1500 AZN;
- Əmək haqqı namizədin təcrübə, bilik və bacarıqlarına uyğun müəyyən edilir.
Müraciət qaydası
Maraqlanan namizədlər CV-lərini Müraciət et düyməsində göstərilən elektron poçt ünvanına göndərə bilərlər.
