Şirkətimiz Aparıcı Mühasib vəzifəsi üzrə namizəd axtarır. Bu rol müəssisənin maliyyə-mühasibat fəaliyyətinin tam həcmdə idarə edilməsini, vergi hesabatlarının hazırlanmasını və kiçik mühasib heyətinin işinə nəzarəti əhatə edir. Bakıda mühasib vakansiyası ilə maraqlanan, 1C 8.3 proqramında sərbəst işləyən və PMS sertifikatına sahib olan mütəxəssisləri müraciətə dəvət edirik.
Vəzifə öhdəlikləri
- Müəssisənin maliyyə-təsərrüfat fəaliyyətinin mühasibat uçotunda və hesabat sənədlərində əks etdirilməsinin təşkili və nəzarəti;
- Debitor və kreditorlarla hesablaşmaların uçotunun aparılması, mövcud borcların izlənilməsi və təhlili;
- İnternet-banking vasitəsilə əsas bank əməliyyatlarının icrası: beynəlxalq köçürmələr, valyuta mübadiləsi, əmək haqqı ödənişləri, dövlət büdcəsinə vergi və digər ödənişlər;
- Elektron qaimələrin tərtib edilməsi; satış sənədlərinin, müqavilələrin, hesab-fakturaların, qiymət razılaşma protokollarının və təhvil-təslim aktlarının hazırlanması;
- Online kargüzarlıq sisteminə daxil olan sorğuların araşdırılması və qanunvericiliklə müəyyən edilmiş müddətdə cavablandırılması;
- ƏDV, sosial sığorta, əmlak, mənfəət vergisi, DSMF, statistika və digər maliyyə hesabatlarının hazırlanaraq aidiyyəti orqanlara vaxtında təqdim edilməsi;
- Kiçik mühasibin gündəlik əməliyyatlarına — bank ödənişlərinə, e-qaimələrin göndərilməsinə, müqavilələrin hazırlanmasına — nəzarətin həyata keçirilməsi;
- Vergi risklərinin müəyyən edilməsi və onların aradan qaldırılması üçün lazımi tədbirlərin görülməsi;
- Dövlət orqanlarından daxil olan məktubların nəzarətdə saxlanılması və müvafiq yazışmaların aparılması;
- Tender sənədlərinin hazırlanması;
- Şirkətin hüquqi sənədlərində zəruri dəyişikliklərin edilməsi.
Namizədə olan tələblər
- Təhsil: maliyyə və ya mühasibatlıq sahəsi üzrə ali təhsil;
- İş təcrübəsi: müvafiq sahədə 2-4 il təcrübə;
- Rus dili biliyi, ingilis dili arzuolunandır;
- MS Office proqramları, xüsusilə Exceldə yüksək səviyyədə işləmə bacarığı;
- 1C 8.3 mühasibat proqramında müstəqil işləmək bacarığı — məcburidir;
- PMS (Peşəkar Mühasib Sertifikatı) və ya MHBS / MHBS-KOS sertifikatının olması;
- Müştərilər və tərəfdaşlarla peşəkar ünsiyyət qurmaq bacarığı.
İş şəraiti
- İş qrafiki: həftədə 5 gün, saat 09:00–18:00; nahar fasiləsi 13:00–14:00;
- Korporativ mobil nömrə təmin edilir;
- Əmək haqqı: 1500–2000 AZN (razılaşma əsasında).
Vakansiya aktiv deyil, son elanlara aşağıdan keçid edin
