Bakı şəhərində aparıcı mütəxəssis – backend developer (Java) vəzifəsi üçün yüksək yüklü sistemlərin hazırlanması üzrə peşəkar namizəd axtarılır. Java, Spring Boot, mikroservislər və REST API-larla işləmək bacarığı vacibdir.
Təsvir
- Java (11/17/21) və Spring Boot texnologiyalarından istifadə edərək yüksək yüklü backend sistemlərinin layihələndirilməsi və hazırlanması;
- Mikroservis arxitekturasının qurulması, texniki qərarların verilməsi və arxitektura standartlarının müəyyən edilməsi;
- REST API-ların dizaynı, versiyalaşdırılması və performansının yaxşılaşdırılması;
- Sistemlərin miqyaslana bilməsi (Scalability), etibarlılığı (Reliability) və təhlükəsizliyinin təmin olunması;
- PostgreSQL və Oracle verilənlər bazaları ilə işləmək, sorğuların optimallaşdırılması;
- RabbitMQ, Apache Kafka və Redis texnologiyaları üzrə biliklər;
- Bank sistemləri və inteqrasiya platformaları ilə mürəkkəb inteqrasiyaların qurulması;
- Code Review proseslərinin aparılması, Clean Code və Best Practices yanaşmalarının komandada tətbiqinin təmin edilməsi.
Tələblər
- Ali təhsil; İnformasiya Texnologiyaları, Kompüter Elmləri və ya digər əlaqəli ixtisaslar üzrə təhsil üstünlükdür;
- Backend proqram təminatının hazırlanması sahəsində minimum 3–5 il iş təcrübəsi;
- Java Core və Spring Boot üzrə dərin biliklər;
- Hibernate/JPA ilə işləmə və verilənlər bazası performansının optimallaşdırılması üzrə təcrübə;
- Mikroservis arxitekturasının dizaynı və layihələndirilməsi üzrə praktiki təcrübə;
- Əlaqəli verilənlər bazaları (PostgreSQL, Oracle) üzrə dərin biliklər;
- Git versiya nəzarət sistemi və CI/CD prosesləri ilə işləmə təcrübəsi;
- Maven və ya Gradle build alətləri ilə işləmə təcrübəsi;
- Multithreading, Concurrency və Transaction Management üzrə dərin biliklər;
- System Design prinsipləri və yüksək yüklü (High-load) sistemlər üzrə təcrübə;
- Keycloak ilə praktiki iş təcrübəsi üstünlükdür;
- API Gateway həlləri (Gravitee və ya oxşar platformalar) ilə iş təcrübəsi üstünlükdür;
- Camunda (BPMN) platformasında biznes proseslərinin avtomatlaşdırılması üzrə təcrübə üstünlükdür;
- Docker və konteyner orkestrasiya platformaları üzrə biliklər üstünlükdür;
- Monitoring və Observability alətləri (Prometheus, Grafana, ELK) ilə işləmə təcrübəsi üstünlükdür;
- Agentic AI alətlərindən və funksiyalarından (Agents, MCP, Hooks, Rules, Skills, Commands və s.) effektiv istifadə bacarığı.
Şəxsi bacarıqlar
- Komandaya texniki liderlik və mentorluq etmək bacarığı;
- Mürəkkəb texniki problemləri həll etmək və texniki qərarlar qəbul etmək bacarığı;
- Komanda daxilində və müxtəlif funksional komandalarla effektiv əməkdaşlıq və kommunikasiya bacarığı;
- Nəticəyönümlü, məsuliyyətli, təşəbbüskar və yüksək özünütəşkil bacarığı;
- Yeni texnologiyaları, alətləri və yanaşmaları öyrənməyə, tətbiq etməyə və əldə olunan bilikləri komanda ilə paylaşmağa yüksək motivasiya.
Vakansiya haqqında
Vakansiya növü: Tam ştat
Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.
