Aqronom

Bakı şəhərinin Zirə kəndində fəaliyyət göstərən İstixana Kompleksi Aqronom vəzifəsi üzrə iş axtaran mütəxəssisləri müraciətə dəvət edir. Müasir istixana şəraitində Priva idarəetmə sistemi ilə işləmə təcrübəsinə malik, bitki xəstəlikləri və zərərvericilərin idarəsi sahəsində bilikli namizədlər nəzərdən keçiriləcək.

Vəzifə öhdəlikləri

• Priva sistemi vasitəsilə istixana proseslərinin idarə edilməsi;
• İstixana daxilində iş bölgüsünün planlaşdırılması və təşkili;
• Bitkilərdə xəstəlik və zərərverici əlamətlərinin vaxtında aşkar edilməsi və müvafiq tədbirlərin görülməsi;
• Gübrə və bitki mühafizə preparatlarının hazırlanması, proqrama uyğun tətbiqinin həyata keçirilməsi;
• Texniki zonadakı sulama və iqlimləndirmə sistemlərinin səmərəli işləməsinə nəzarətin təmin edilməsi;
• Əkinə hazırlıq, əkin, budama və məhsul yığımı kimi mövsümi sahə işlərinin icrası və hesabatının aparılması;
• Aqronomluq sahəsindəki cari və perspektiv tapşırıqların yerinə yetirilməsi, əməyin düzgün təşkili normalarına riayət edilməsi.

Təhsil və iş təcrübəsi

• Aqronomluq və ya müvafiq sahə üzrə ali təhsil;
• Müasir istixana şəraitində 5-7 il iş təcrübəsi;
• Priva sistemi üzərində praktiki işləmə təcrübəsi.

Bilməlidir

• Aqrotexniki və aqrokimyəvi tədbirlərin mahiyyəti və tətbiq qaydaları;
• Torpağın məhsuldarlıq normalarının müəyyən edilməsi metodları;
• Gübrə və pestisidlərin tərkibi, istifadə normaları və təhlükəsizlik tələbləri;
• Əməyin mühafizəsi, texniki təhlükəsizlik, istehsalat sanitariyası və mülki müdafiə normaları; qəza hallarında tətbiq ediləcək tədbirlər.

Tələb olunan bacarıq və keyfiyyətlər

• Kollektivi idarə etmə və işi təşkil etmə qabiliyyəti;
• Liderlik mövqeyi və operativ qərar qəbul etmə bacarığı;
• Çevik düşüncə tərzi, nəticəyə və keyfiyyətə yönəlmiş iş münasibəti;
• Dəqiqlik, məsuliyyət hissi və sağlam ünsiyyət qurma bacarığı;
• Dinamik iş mühitinə uyğunlaşma və stressə davamlılıq.

İş şəraiti və təminatlar

• İş yeri: Bakı, Zirə kəndi, İstixana Kompleksi;
• İş rejimi: Həftədə 6 gün, həftəlik 40 saat;
• Əmək haqqı: Yüksək səviyyədə, müsahibə nəticəsində razılaşdırılır;
• Nahar və nəqliyyat xərcləri işəgötürən tərəfindən qarşılanır.