“A+CO” ASC Saatlı rayonunda fəaliyyət göstərən kənd təsərrüfatı sahəsində Aqronom vəzifəsi üzrə namizəd axtarışına başlayıb. Vəzifə əkin sahələrinin idarə edilməsi, aqrotexniki və aqrokimyəvi tədbirlərin planlaşdırılması, həmçinin məhsul keyfiyyəti və məhsuldarlığının artırılmasına yönəlmiş işləri əhatə edir.
Vəzifə öhdəlikləri
- Meliorativ tədbirlərin həyata keçirilməsi üçün müvafiq planların hazırlanması;
- Gübrə növlərinin və becərmə üçün zəruri materialların müəyyənləşdirilməsi və təklif edilməsi;
- Becərmə və biçim işlərinin vaxt qrafikinin tərtib edilməsi;
- Torpağın düzgün istismarı və qorunmasına dair üsulların işlənib hazırlanması;
- Əkin sahələrinin müntəzəm monitorinqinin aparılması;
- Məhsul istehsalını artırmaq məqsədilə müasir texnologiyaların tətbiq edilməsi;
- Xəstəlik, alaq otları və zərərvericilərə qarşı mübarizə tədbirlərinin həyata keçirilməsi;
- İstehsal nəticələrinin sənədləşdirilməsi və statistik hesabatların hazırlanması;
- Sahələr üzrə aylıq aqrokimyəvi və aqrotexniki tədbirlər planının icrasının təşkili və nəzarəti;
- İşçi qüvvəsi və kənd təsərrüfatı texnikasının səmərəli istifadəsinin təmin edilməsi, işlərin fərdi qeydiyyat bazasının düzgün formalaşdırılması, müvafiq tapşırıqların verilməsi və hesabatlılığın təmin edilməsi;
- Sahələrin fitopatoloji və aqrokimyəvi vəziyyətinin mütəmadi izlənilməsi;
- Mineral və üzvi gübrələrin, pestisidlərin düzgün yerləşdirilməsi və sahələrin vaxtında təmin edilməsinə dair işlərin planlaşdırılması və təşkili;
- İllik aqrokimyəvi və aqrotexniki tədbirlər planının hazırlanması prosesinə qatılmaq;
- Əkin sahələrində çalışan işçilərlə müntəzəm fərdi görüşlərin keçirilməsi, onların problemləri və təklifləri ilə maraqlanılması, aidiyyəti bölmələrə məlumat ötürülməsinin təmin edilməsi.
Namizədə olan tələblər
- Aqrar sahə üzrə ali təhsil;
- Aqronom vəzifəsində 5-7 il iş təcrübəsi;
- Dənli bitkilərin becərilməsi sahəsində praktiki təcrübə;
- MS Office proqramları ilə işləmə bacarığı;
- Azərbaycan dilini sərbəst bilmək; rus və ingilis dillərinin bilinməsi üstünlük sayılır;
- İdarəetmə təcrübəsi, analitik düşüncə tərzi, dəqiqlik, məsuliyyət hissi, ünsiyyət qurmaq və komandada işləmək bacarığı.
İş şəraiti
- İş yeri: Saatlı rayonu;
- Nahar, korporativ nömrə, nəqliyyat və yaşayış yeri şirkət tərəfindən təmin edilir.
Müraciət qaydası
Yuxarıda qeyd olunan tələblərə cavab verən namizədlər CV-lərini e-poçtun mövzu hissəsində “Aqronom” qeyd etməklə elanda göstərilən elektron ünvana göndərə bilərlər. Yalnız tələblərə uyğun namizədlər müsahibəyə dəvət olunacaq.
