Bakıda Nexia Azerbaijan Audit Təcrübə Proqramı üçün yeni məzunların müraciətləri qəbul olunur. Audit sahəsində karyera qurmaq və peşəkar bacarıqlarını artırmaq istəyənlər komandaya dəvət edilir.
İş haqqında
Təcrübə proqramı tam ödənişlidir və iştirakçılarla Azərbaycan Respublikasının əmək qanunvericiliyinə uyğun rəsmi əmək müqaviləsi bağlanır.
Vəzifə öhdəlikləri
- Beynəlxalq Audit Standartlarına (ISA) uyğun audit layihələrində audit qrupuna dəstək göstərmək;
- Müştərilərin maliyyə hesabatlarının hazırlanması və yoxlanılması prosesində iştirak etmək;
- Digər peşəkar xidmət layihələrində komandanı dəstəkləmək;
- Audit zamanı ortaya çıxan məsələlərin araşdırılmasında komanda üzvlərinə yardım etmək;
- Komandanın gündəlik iş prosesində və digər tapşırıqların yerinə yetirilməsində fəal olmaq.
Tələblər
- Maliyyə, mühasibat uçotu, iqtisadiyyat və ya biznes ixtisası üzrə məzun olmaq;
- Azərbaycan dilində şifahi və yazılı ünsiyyət bacarığının yaxşı olması;
- Microsoft Office proqramlarından, xüsusilə Excel-dən istifadə bacarığı;
- Analitik düşünmə qabiliyyəti və detallara diqqət yetirmək bacarığı;
- Komandada işləməyə və yeni biliklər öyrənməyə həvəsli olmaq;
- Məsuliyyətli, təşəbbüskar və operativ işləmək bacarığı;
- Ezamiyyətlərdə iştirak etməyə hazır olmaq;
- Tam iş qrafiki ilə işləmək və ehtiyac yarandıqda əlavə iş saatlarında çalışa bilmək.
Maraqlanan namizədlər CV-lərini mövzu hissəsində müraciət etdikləri vəzifənin adını qeyd etməklə “Müraciət et” düyməsində göstərilən elektron poçt ünvanına göndərə bilərlər.
