Bakı şəhərində avtobus sürücüsü vakansiyası üçün namizədlər axtarılır. Sərnişindaşıma, təhlükəsiz idarəetmə və yol hərəkəti qaydalarına ciddi əməl edən şəxslər müraciət edə bilər.
Əsas vəzifələr
- Təhkim edilən avtobusu hər zaman təmiz, səliqəli və texniki cəhətdən saz vəziyyətdə saxlamaq.
- Hərəkətə başlamazdan əvvəl avtobusa baxış keçirmək və aşkar edilən nasazlıqlar barədə rəhbərliyi məlumatlandırmaq.
- Avtobusun servis müddətinə və yanacaq sərfiyyatına nəzarət etmək.
- Kiçik texniki nasazlıqları yerində həll etmək üçün zəruri mexaniki biliklərə sahib olmaq.
- Avtobusda yanğınsöndürən balon, təhlükəsizlik üçbucağı və tibbi çantanın olmasını təmin etmək.
- Yol hərəkəti qaydalarına və müəyyən edilmiş sürət həddinə tam riayət etmək.
- Əməkdaşların iş yerinə və geri təhlükəsiz daşınmasını həyata keçirmək.
- Təsdiqlənmiş hərəkət marşrutu və vaxt qrafikinə əməl etmək, gecikmə və ya marşrut dəyişikliyi olduqda aidiyyəti rəhbəri vaxtında xəbərdar etmək.
- Sərnişinlərin nəqliyyat vasitəsinə təhlükəsiz minib-düşməsinə nəzarət etmək və səfər zamanı rahat, nəzakətli xidmət göstərmək.
- Şirkətə məxsus sənədləri, avadanlıqları və digər ləvazimatları təyinat ünvanına təhlükəsiz çatdırmaq.
- İş vaxtı bitdikdə avtobusu müəyyən olunmuş dayanacaqda saxlamaq.
- İstehsalat sahələrində fərdi mühafizə vasitələrindən istifadə etmək.
- Müəyyən edilmiş sərnişin tutumunun aşılmasına yol verməmək, qarlı və buzlu yollarda təkər zəncirindən istifadə etmək.
- Yol-nəqliyyat hadisəsi baş verdikdə təhlükəsizliyi təmin etdikdən sonra dərhal rəhbərliyə və sığorta şirkətinə məlumat vermək.
- İş zamanı spirtli içki və ya əhvalı dəyişdirən digər maddələrdən istifadə etməmək.
- İşə davamiyyət, daxili intizam və subordinasiya qaydalarına riayət etmək, münaqişələrdən uzaq durmaq.
- Rəhbərlik tərəfindən verilən digər tapşırıqları vaxtında və keyfiyyətlə yerinə yetirmək.
Tələblər
- Etibarlı sürücülük vəsiqəsində D kateqoriyasının olması.
- Yaş həddi 60-dan aşağı olmalıdır.
- Sərnişindaşıma sahəsində minimum 3 il iş təcrübəsi.
- Azərbaycan Yerüstü Nəqliyyat Agentliyinin AYNA Tədris Mərkəzi tərəfindən verilmiş sertifikatın olması üstünlük sayılır.
- Yol hərəkəti qaydalarını və nəqliyyat vasitəsinin əsas texniki quruluşunu yaxşı bilmək.
- Kiçik texniki nasazlıqları müəyyən etmək və aradan qaldırmaq bacarığı.
- Məsuliyyətlilik, dəqiqlik, intizamlılıq və təhlükəsiz idarəetmə vərdişləri.
- Bakı şəhərini və region yollarını yaxşı tanımaq.
Biz təklif edirik
- İş təcrübəsinə uyğun rəqabətqabiliyyətli əməkhaqqı.
- Dəstəkləyici və təhlükəsizliyə önəm verən iş mühiti.
- Şirkət tərəfindən mobil nömrə ilə təminat.
- İş qrafiki: Bazar ertəsi–Cümə, 08:00–17:00.
Tələblərə uyğun namizədlərdən xahiş olunur ki, CV-lərini mövzu hissəsində “Avtobus sürücüsü” qeyd etməklə Müraciət et düyməsində göstərilən elektron poçt ünvanına göndərsinlər.
