Avtomobil logistikası üzrə təcrübə proqramı (ödənişli)

Avtomobil logistikası üzrə ödənişli təcrübə proqramı elan olunur. Trade Group Company və Dövlət Məşğulluq Agentliyinin birgə təşkil etdiyi bu proqram karyerasını logistika sahəsində qurmaq istəyən gənclər üçün nəzərdə tutulub.

Proqram haqqında

Proqramın müddəti 2 aydır. Bu müddət ərzində iştirakçılar nəzəri biliklərlə yanaşı, real iş mühitində praktik tapşırıqlar da yerinə yetirəcəklər.

Proqram müddətində öyrəniləcək və icra ediləcək vəzifələr

• Logistika bazarının təhlili və mümkün korporativ müştəri bazasının formalaşdırılması;
• Şirkətlərlə ilkin əlaqənin qurulması, soyuq zənglərin edilməsi və rəsmi yazışmaların aparılması;
• Korporativ müştərilərlə görüşlərin təşkili və logistika xidmətlərinin təqdim edilməsi;
• Beynəlxalq yükdaşımaların icrası və logistika əməliyyatlarına nəzarət mexanizmlərinin öyrənilməsi;
• İdxal və ixrac proseslərində yük sənədlərinin yoxlanılma qaydalarının mənimsənilməsi;
• Məlumatların sistemə düzgün daxil edilməsi, müraciətlərin qeydə alınması və cavablandırılması.

Namizədə dair tələblər

• Bakalavr və ya magistratura məzunu olmaq, hazırda tələbə olmamaq;
• Logistika sahəsində təhsil almış və bu istiqamətdə karyera qurmaq istəyən namizədlərə üstünlük verilir;
• Yaş həddi: 21–30 yaş;
• Azərbaycan və ingilis dillərində sərbəst danışıq və yazışma bacarığı, rus dili biliyi arzuolunandır;
• MS Office proqramlarından, o cümlədən Excel və Word-dən sərbəst istifadə etmək;
• Güclü ünsiyyət, təqdimat və ilkin əlaqə yaratma bacarıqları;
• Məsuliyyətli, diqqətli, öyrənməyə və inkişaf etməyə həvəsli olmaq;
• Verilən tapşırıqları vaxtında və dəqiqliklə yerinə yetirmək.

İş şəraiti və təkliflər

• Müddət: 2 ay, təlim və praktiki dərslər;
• Aylıq təqaüd: 200 AZN;
• İş qrafiki: həftənin 1–5-ci günləri, saat 09:00 – 18:00;
• Ünvan: Bakı şəhəri, Nərimanov rayonu;
• Rahat və müasir ofis mühiti;
• Logistika, satış və gömrük rəsmiləşdirilməsi sahələrində peşəkar təcrübə qazanmaq imkanı;
• Təlimi uğurla bitirən bütün iştirakçılara DMA və Trade Group Company tərəfindən rəsmi sertifikat veriləcək;
• Təlimi tamamlayanlar arasında ən yüksək nəticə göstərən namizəd şirkətdə işlə təmin ediləcək.

Müraciət qaydası

Tələblərə uyğun namizədlərdən CV-lərini mövzu hissəsində “Avtomobil Logistikası – Təcrübə Proqramı” qeyd etməklə Müraciət et düyməsində göstərilən elektron ünvanına göndərmələri xahiş olunur.