Sumqayıt şəhərində fəaliyyət göstərən müəssisə Baş Anbardar vəzifəsi üzrə namizədlərin müraciətlərini qəbul edir. Vəzifə, anbar əməliyyatlarının tam idarə edilməsini, sənədləşmənin düzgün aparılmasını və komandaya rəhbərliyi əhatə edir.
Vəzifə Öhdəlikləri
- Yanacaq, xammal, yarımfabrikat, hazır məhsul, detal, alət və digər material qiymətlilərinin müəssisə daxili prosedur qaydalarına uyğun olaraq qəbulunun, saxlanılmasının və anbardan buraxılmasının təmin edilməsi və nəzarəti;
- Elektron sistem (müəssisədaxili proqram təminatı) və kağız daşıyıcı vasitəsilə mədaxil, saxlama və məxaric sənədlərinin müvafiq qaydada rəsmiləşdirilməsinin və icrasının təmin edilməsi;
- Qəbul olunan qiymətlilərin müşayiət sənədlərinə uyğunluğunun və sifarişlər üzrə komplektləşdirilməsinin nəzarətdə saxlanılması;
- Anbarlarda minimal qalıq miqdarlarının (yenidən sifariş nöqtəsinin) müəyyən edilməsi, anbar ehtiyatlarının daimi olaraq normativ səviyyədə saxlanılması;
- Anbarlarda SƏTƏM tələblərinə riayət olunmasının, yanğın təhlükəsizliyi ləvazimatlarının, avadanlıq və inventarın texniki vəziyyətinin və vaxtında təmirinin nəzarəti;
- Anbarda yükləmə-boşaltma və yerləşdirmə işlərinin təşkili və nəzarəti;
- Aylıq sayımların aparılması, nəticələrinin aktlaşdırılması və nəzarəti;
- Əmtəə-maddi sərvətlər üzrə müəssisədaxili əmrlərə əsasən inventarlaşdırma işlərində iştirak;
- Nasaz alət və cihazlar üçün qüsur cədvəllərinin, təmir, silinmə, çatışmazlıq və korlanma aktlarının düzgün tərtib olunmasına nəzarət;
- Bölmə işçilərinə rəhbərlik, işçilərin peşəkar səriştəsinin artırılması üçün təhlillərin aparılması və inkişaf tədbirlərinin təşkili;
- Anbar əməliyyatlarının effektiv idarə edilməsi məqsədi ilə prosedur və daxili qaydaların hazırlanmasının təmin edilməsi;
- Fəaliyyəti ilə bağlı müntəzəm hesabatların və səmərələşdirici təkliflərin şirkət rəhbərliyinə təqdim edilməsi.
Namizədə Tələblər
- Müvafiq sahədə rəhbər vəzifədə minimum 3 il iş təcrübəsi;
- Ali və ya orta ixtisas təhsili (ixtisaslaşmış sahə üzrə üstünlükdür);
- ERP sistemlərində (1C, Logo Tiger və s.) iş bacarığı;
- Biznes proseslər və prosedur qaydaların tərtib edilməsi təcrübəsi;
- Effektiv qərar vermə qabiliyyəti;
- Komanda idarəetməsi və birgə işləmə bacarığı;
- Diqqətlilik, məsuliyyətlilik və operativlik;
- Heyətin motivasiyası və idarə edilməsi üzrə praktiki bacarıqlar;
- Güclü ünsiyyət və planlama bacarıqları.
İş Şəraiti
- İş qrafiki: Həftə içi 5 gün, saat 08:00–17:00;
- İş yeri: Sumqayıt şəhəri;
- Könüllü tibbi sığorta;
- Korporativ nömrə;
- Nahar və nəqliyyat şirkət tərəfindən qarşılanır;
- Əmək haqqı müsahibə zamanı namizədin bilik və təcrübəsinə əsasən müəyyən ediləcəkdir.
