Müraciət et
Bu işə müraciət et
Bu işə müraciət etmək üçün CV-nizi bu ünvana göndərin: cv@nwconstruction.com
Bakı şəhərində Baş konstruktor vəzifəsi üzrə vakansiya elan olunur. Tikinti layihələndirmə, konstruktiv hesablamalar və layihə koordinasiyası sahəsində təcrübəsi olan namizədlər müraciət edə bilər.
Vəzifə öhdəlikləri
- Binaların və qurğuların daşıyıcı konstruksiyalarının, o cümlədən təməl, karkas, döşəmə və dam örtüyünün layihələndirilməsinə rəhbərlik etmək və layihələri təsdiqləmək.
- Daş karkas, dəmir-beton, metal və taxta konstruksiyalar üzrə statik və dinamik, o cümlədən seysmik hesablamaları aparmaq və yoxlamaq.
- Geoloji tədqiqat nəticələrinə əsasən özül və ya təməl növünü seçmək, uyğun texniki həllər hazırlamaq.
- Mürəkkəb və xüsusi təyinatlı obyektlər üçün fərdi konstruktiv həllər işləyib hazırlamaq.
- Memarlıq, elektrik, su-kanalizasiya və mexanika bölmələri ilə konstruktiv həllərin koordinasiyasını həyata keçirmək.
- Layihələrin SNiP, SP, AzDTN və digər müvafiq normativ sənədlərə uyğun hazırlanmasına nəzarət etmək.
- Dövlət qurumları və sifarişçilərlə layihələrin razılaşdırılması prosesində iştirak etmək.
- Tikinti mərhələsində müəllif nəzarətini həyata keçirmək, materialların və icra keyfiyyətinin layihəyə uyğunluğunu yoxlamaq.
- Komanda üzvlərinin işinə texniki rəhbərlik etmək və layihə sənədlərinin yekun keyfiyyətinə cavabdeh olmaq.
Tələblər
- AutoCAD və REVİT proqramlarında sərbəst işləmək bacarığı; konstruktiv hesablamalar üçün SAP2000, ETABS, LİRA SAPR, Tekla Structures və digər oxşar proqramlarda iş təcrübəsi.
- Texniki sənədlərin hazırlanması üçün Word və Excel proqramlarını bilmək.
- Daş karkas, dəmir-beton və metal konstruksiyaların hesablanması və layihələndirilməsi üzrə dərin bilik.
- SNiP, SP, AzDTN və digər normativ bazaya yüksək səviyyədə bələdlik.
- Komanda idarəetmə, koordinasiya və layihə nəzarəti bacarıqları.
- Azərbaycan və rus dillərində texniki sənədlərlə işləmə bacarığı.
- İnşaat mühəndisliyi, yəni bina və qurğuların tikintisi üzrə ali texniki təhsil.
- Minimum 7 il layihələndirmə təcrübəsi, həmçinin mürəkkəb və xüsusi təyinatlı obyektlərdə iş təcrübəsi.
- Yaşayış binaları, məktəb və bağçalar, sənaye obyektləri, hərbi və strateji obyektlər üzrə layihə təcrübəsi olan namizədlərə üstünlük verilir.
Müraciət qaydası
Müraciətinizi cv@nwconstruction.com və ya hr@nwconstruction.com elektron poçt ünvanlarına “Baş konstruktor” başlığı ilə göndərə bilərsiniz.
