Baş mexanik

Sumqayıt şəhərində baş mexanik vakansiyası üzrə müraciətlər qəbul olunur. İstehsal avadanlıqlarının dayanıqlı işləməsi, təmir planlaması və texniki nəzarət sahəsində təcrübəsi olan namizədlərin müraciəti gözlənilir.

Vəzifə öhdəlikləri

• Təyin olunmuş istehsal sahəsində avadanlıqların, istehsal xətlərinin və mexaniki sistemlərin fasiləsiz və etibarlı işləməsini təmin etmək.
• İstehsal avadanlıqlarına mütəmadi texniki baxış keçirmək, nasazlıqları vaxtında aşkar etmək və təmir-bərpa işlərini təşkil etmək.
• Planlı Profilaktik Təmir (PPT) qrafikinə uyğun olaraq təmir işlərinin planlaşdırılmasını və icrasını təmin etmək.
• Təmir üçün lazım olan ehtiyat hissələri, alətlər və materialların vaxtında təmin edilməsinə nəzarət etmək, anbarda olmayan materiallar üzrə sifarişlərin vaxtında verilməsini təşkil etmək.
• Tabeliyində olan təmirçi çilingərlərin işini planlaşdırmaq, koordinasiya etmək və görülən işlərə nəzarət etmək.
• Təmir işləri tamamlandıqdan sonra icra sənədlərini hazırlamaq və avadanlıqları istismara təhlükəsiz şəkildə təhvil vermək.
• Təmir heyəti tərəfindən əmək intizamı, əməyin mühafizəsi, texniki təhlükəsizlik və istehsalat qaydalarına riayət olunmasına nəzarət etmək.
• Avadanlıqlarda yaranan nasazlıqların səbəblərini təhlil etmək və təkrarlanmanın qarşısını almaq üçün təkliflər hazırlamaq.
• Texniki sənədləri, konstruktor çertyojlarını və mexaniki sxemləri oxumaq, təhlil etmək və ehtiyac olduqda hazırlamaq.
• İstehsalatda avadanlıqların məhsuldarlığının və etibarlılığının artırılması üçün təkmilləşdirmə tədbirlərinin həyata keçirilməsində iştirak etmək.

Namizədə tələblər

• Ali təhsil: Mexanika mühəndisliyi, Maşınqayırma, Mexatronika və ya digər uyğun texniki ixtisaslar.
• İstehsal müəssisəsində mexanik və ya baş mexanik vəzifəsində minimum 5 il iş təcrübəsi.
• Mexaniki avadanlıqların quruluşu, istismarı, texniki xidməti və təmir prinsipləri üzrə dərin biliklər.
• Planlı profilaktik təmir sistemlərinin təşkili üzrə təcrübə.
• Konstruktor çertyojlarını və texniki sənədləri sərbəst oxumaq bacarığı.
• Əmək mühafizəsi və texniki təhlükəsizlik qaydaları üzrə biliklər.
• Komandaya rəhbərlik, qərarvermə və təşkilatçılıq bacarıqları.
• Analitik düşüncə, yüksək məsuliyyət, dəqiqlik və güclü ünsiyyət bacarığı.

İş qrafiki

• 5 günlük iş qrafiki
• İş saatı: 09:00-18:00

Əmək haqqı

Namizədin bilik və bacarığına əsasən təyin olunur.

Üstünlüklər

• Nahar
• Servis
• Könüllü tibbi sığorta
• Korporativ nömrə və danışıq limiti