Baş operator

Laçın, Qarabağ üzrə Baş operator vakansiyası üçün namizədlər axtarılır. Vəzifə su elektrik stansiyasında növbəli iş rejimində operativ idarəetmə və nəzarət işlərini əhatə edir.

Vəzifə öhdəlikləri

• Kiçik su elektrik stansiyasında növbə zamanı operativ idarəetməni həyata keçirmək və növbə heyətinin işini yönləndirmək;
• Su turbinlərinin, generatorların və köməkçi sistemlərin təhlükəsiz, səmərəli və müəyyən edilmiş qrafikə uyğun işləməsini təmin etmək;
• Turbinlərin iş parametrlərini, o cümlədən su axını, təzyiq, temperatur, vibrasiya və fırlanma sürətini mütəmadi izləmək və uyğun rejimi tənzimləmək;
• Su idarəetmə sistemlərinə nəzarət etmək, su səviyyəsini və daxil olan axını turbinlərin texniki tələblərinə uyğun şəkildə operativ idarə etmək;
• Avadanlıqların işində yaranan kənaraçıxmaları, hidravlik və ya mexaniki nasazlıqları erkən mərhələdə müəyyən etmək, qəza hallarının qarşısını almaq və dərhal rəhbərliyə məlumat vermək;
• Stansiyanın iş rejimi, istehsal olunan elektrik enerjisinin həcmi və növbə ərzində baş verən hadisələr üzrə operativ jurnalları və hesabatları hazırlamaq.

Tələblər

• Energetika, Mexanika və ya Proseslərin avtomatlaşdırılması mühəndisliyi üzrə ali və ya orta ixtisas təhsili;
• Su elektrik stansiyalarında və ya su turbinlərinin idarəetmə sistemlərində operator və ya baş operator kimi minimum 3 il iş təcrübəsi;
• Su turbinlərinin, hidrotexniki qurğuların və idarəetmə panellərinin iş prinsiplərini yaxşı bilmək;
• Böhran və qəza vəziyyətlərində soyuqqanlı davranmaq, sürətli və düzgün operativ qərarlar vermək bacarığı;
• Komandaya rəhbərlik etmək bacarığı, məsuliyyətlilik və növbəli, sutkalıq iş qrafiki ilə Qarabağ bölgəsində işləmək imkanı.

Müraciət qaydası

Hörmətli namizədlər, CV-lərinizi göndərərkən mövzu hissəsində Baş operator vəzifə adını qeyd etməyiniz xahiş olunur. Müraciət et düyməsində göstərilən ünvana göndərin.