Yalama Aqropark MMC təsərrüfatında saxlanılan heyvanların sağlamlığı, təhlükəsizliyi və rifahı bizim üçün prioritet məsələdir. Bu istiqamətdə komandamızı gücləndirmək üçün heyvanlara qayğı ilə yanaşan, öz sahəsində məsuliyyətli olan və çətin vəziyyətlərdə tez qərar qəbul edə bilən baytar həkim axtarırıq. Heyvanların anatomiyasını və davranış xüsusiyyətlərini yaxşı bilən, xəstəliklərin qarşısının alınması və müalicəsi üzrə müasir üsulları tətbiq edən mütəxəssisləri Xaçmaz rayonundakı təsərrüfat komandamıza qoşulmağa dəvət edirik.
Əsas vəzifə öhdəlikləri
Sağlamlıq və müalicə:
- Heyvanlarda xəstəliyin ilkin əlamətlərinin vaxtında müəyyən edilməsi və dəqiq diaqnozun qoyulması
- Qoyulmuş diaqnoza əsasən uyğun müalicə planının hazırlanması və icra prosesinə nəzarət edilməsi
- Tələb yarandıqda zəruri cərrahi əməliyyatların aparılması
Profilaktika və gigiyena:
- Yoluxucu xəstəliklərin qarşısını almaq üçün müəyyən olunmuş cədvələ uyğun peyvəndlərin vurulması
- Təsərrüfat ərazisində sanitariya-gigiyena normalarına və dezinfeksiya işlərinə əməl olunmasının izlənməsi
Heyvan rifahı:
- Heyvanların gündəlik vəziyyətinin müşahidə edilməsi və stress yaradan amillərin aradan qaldırılması
- Davranışla bağlı yaranan problemlərin araşdırılıb aradan qaldırılması, heyvan rifahının müvafiq standartlara uyğun saxlanması
Namizədə dair tələblər
Təhsil və təcrübə:
- Baytarlıq üzrə ali təhsil
- Klinik sahədə və ya böyük fermer təsərrüfatlarında minimum 1-2 illik iş təcrübəsi
Peşəkar bilik və bacarıqlar:
- Heyvan anatomiyası və fiziologiyası üzrə güclü nəzəri və praktiki bilik
- Yoluxucu və qeyri-yoluxucu xəstəliklərin müasir üsullarla diaqnostikası bacarığı
- Xəstəliklərin qarşısının alınması və müalicəsi metodlarına dərindən bələdlik
- Cərrahi müdaxilə üzrə praktiki təcrübə
Şəxsi keyfiyyətlər:
- Heyvanlara qarşı həssas münasibət və peşə etikasına ciddi əməl etmək
- Təcili və gərgin vəziyyətlərdə sakit qalaraq operativ qərar vermə bacarığı
- Yüksək məsuliyyət hissi və digər mütəxəssislərlə, ferma işçiləri ilə uyğunlaşmış şəkildə işləmək bacarığı
Vakansiya aktiv deyil, son elanlara aşağıdan keçid edin
