Biznes kreditlər üzrə təcrübə proqramı

Monetri BOKT MMC Bakı və Xırdalan üzrə mikro biznes kreditləri təcrübə proqramına namizədlər axtarır. Bu iş vakansiyası maliyyə xidmətləri və kredit sahəsində təcrübə qazanmaq istəyən şəxslər üçün nəzərdə tutulub.

Monetri BOKT MMC haqqında

2013-cü ildən fəaliyyət göstərən Monetri BOKT MMC maliyyə xidmətləri sahəsində müştərilərə etibarlı, çevik və keyfiyyətli xidmət təqdim etməyi əsas prinsip kimi qəbul edir və ölkənin müxtəlif bölgələrində genişlənən filial şəbəkəsi ilə fəaliyyətini davam etdirir.

Şirkət üçün insan kapitalının inkişafı mühüm prioritetlərdəndir. İnsan resurslarının idarə edilməsində müasir və çevik yanaşmaların tətbiqi, əməkdaşların motivasiyasının artırılması, bilik və bacarıqların inkişafı, performansın qiymətləndirilməsi və keyfiyyətli iş mühitinin formalaşdırılması əsas hədəflər sırasındadır.

Mikro biznes kreditləri üzrə əsas vəzifələr

• Mikro biznes kreditləri ilə bağlı daxil olan müraciətləri qəbul etmək və ilkin qiymətləndirmə aparmaq.
• Müştərilərlə danışıqlar aparmaq və işgüzar ünsiyyət qurmaq.
• Müştəri bazasının genişləndirilməsi istiqamətində fəaliyyət göstərmək.
• Kredit bazarını araşdırmaq, sahibkarlıq fəaliyyəti ilə məşğul olan fiziki və hüquqi şəxsləri cəlb etmək.
• Mikro kreditlər üzrə müraciətləri qəbul etmək, təşkilatın daxili qayda və prosedurlarına uyğun sənədləri toplamaq və kreditlərin rəsmiləşdirilməsini həyata keçirmək.
• Mikro kreditlər üzrə təhlil aparmaq, maliyyə hesabatları hazırlamaq və girovun qiymətləndirilməsi məqsədilə ilkin monitorinq keçirmək.
• Kredit memorandumunu tərtib etmək və kredit komitəsinə təqdim etmək.
• Kredit müqaviləsi və ödəniş qrafikinə əsasən borcların vaxtında ödənilməsinə nəzarət etmək.
• Müqavilə şərtlərini pozan müştərilərlə işləmək və borcların ödənilməsi üçün müvafiq tədbirlər görmək.
• Aylıq satış planlarının icrasını təmin etmək.
• Mikro kredit sahəsi üzrə təcrübəçilərin və yeni əməkdaşların hazırlanması prosesinə dəstək göstərmək.

Namizədlər üçün tələblər

• Kredit sahəsi üzrə bilik və təcrübəyə malik olmaq.
• Təhlil aparmaq və effektiv ünsiyyət qurmaq bacarığı.
• Analitik düşünmə qabiliyyəti.
• Müştərilərlə işləmək bacarığı.
• Komanda mühitində işləməyə uyğunluq.
• Azərbaycan dilini mükəmməl səviyyədə bilmək.
• Fərdi qaydada və komanda tərkibində işləmə bacarığı.

Xüsusi tələblər

• Microsoft Office proqramlarında, xüsusilə Word və Excel-də işləmək bacarığı.
• Yaş həddi: 22-35.

İş şəraiti

• Əmək haqqı: 400 AZN.
• İş qrafiki: 09:00 – 18:00, Bazar ertəsi – Cümə.
• Azərbaycan Respublikasının Əmək Məcəlləsinin tələblərinə uyğun rəsmi sənədləşmə.
• Korporativ nömrə ilə təmin edilmə.