Bakıda əczaçılıq və tibbi məhsullar sahəsində fəaliyyət göstərən şirkət komandasına Biznesin inkişafı üzrə mütəxəssis axtarır. Vəzifənin əsas məqsədi beynəlxalq tərəfdaşlıqların qurulması və məhsul portfelinin genişləndirilməsidir.
Əsas vəzifə öhdəlikləri
- Yeni xarici istehsalçı, tərəfdaş və brendlərin araşdırılıb şirkətə cəlb olunması
- Dərman vasitələri, tibbi məmulatlar və parafarmasevtik məhsullar üzrə bazar tədqiqatlarının aparılması, məhsul çeşidinin genişləndirilməsi
- Potensial tərəfdaşlarla ilkin kontaktların yaradılması, onlayn və fiziki görüşlərin planlaşdırılması, şirkətin təqdim edilməsi
- Xarici tədarükçülərlə kommersiya danışıqlarının aparılması, əməkdaşlıq şərtlərinin razılaşdırılması
- Qiymət hesablamaları, satış proqnozları, biznes planları və kommersiya təkliflərinin tərtib edilməsi
- Yeni məhsulların qeydiyyatı, bazara çıxarılması və kommersiyalaşdırılması mərhələlərində şöbələrarası koordinasiyanın həyata keçirilməsi
- İllik satış proqnozlarının və məhsul inkişaf strategiyalarının hazırlanması
- Bazar, rəqib şirkətlər, qiymət siyasəti və məhsul çeşidi üzrə analitik hesabatların tərtibi
- Beynəlxalq sərgi, konfrans və istehsalçı görüşlərində şirkətin təmsil olunması
- Mövcud tərəfdaşlıq əlaqələrinin qorunub saxlanılması, müqavilə şərtlərinin icrasına nəzarət
- İngilis və rus dillərində rəsmi yazışma, təqdimat və hesabatların hazırlanması
- Rəhbərlik tərəfindən tapşırılan digər işlərin vaxtında və keyfiyyətli icrası
Namizədə tələblər
- Ali təhsil, əczaçılıq, tibb və ya biznes idarəçiliyi sahəsi üstünlük təşkil edir
- İngilis dilini sərbəst, rus dilini yaxşı səviyyədə bilmək
- MS Office proqramları, xüsusilə Excel və PowerPoint ilə işləmə bacarığı
- Analitik təfəkkür, ünsiyyət və təqdimat qabiliyyəti
- Danışıqların aparılması və kommersiya sənədlərinin hazırlanması bacarığı
- Xarici ezamiyyət və beynəlxalq sərgilərdə iştiraka hazır olmaq
İş şəraiti
- İş yeri: BEGOC Biznes Mərkəzi, Bakı
- Tibbi sığorta və nahar təmin olunur
- Peşəkar təlim və inkişaf imkanları mövcuddur
- Karyera yüksəlişi üçün şəffaf və dəstəkləyici mühit
Vakansiya növü: Tam ştat
Müraciət qaydası
Bakıda Biznesin inkişafı üzrə mütəxəssis vakansiyası ilə maraqlanan namizədlər “Müraciət et” düyməsindəki keçidə daxil olaraq öz namizədliklərini göndərə bilərlər. Digər variant olaraq CV-ni mövzu bölməsində “Biznesin İnkişafı üzrə mütəxəssis” qeyd etməklə hrdepartment@zeytunpharma.az elektron ünvanına yollamaq mümkündür.
