Kredit monitorinqi üzrə regional təmsilçi vakansiyası açıqdır. Kredit nəzarəti, borcalanların yoxlanılması və hesabatların hazırlanması sahəsində təcrübəsi olan namizədlər müraciət edə bilərlər.
Vəzifə öhdəlikləri
- Verilmiş kreditlərin borcalanlar tərəfindən təyinatına uyğun istifadə olunmasını izləmək və bununla bağlı müvafiq hesabatlar hazırlamaq;
- Kredit üzrə girov və ya ipoteka kimi rəsmiləşdirilmiş əmlakın mövcudluğunu və vəziyyətini yoxlamaq, monitorinq aparmaq və uyğun hesabat tərtib etmək;
- Sahibkarlıq subyektinin kredit müraciətində göstərilən fəaliyyət növü ilə məşğul olub-olmadığını müəyyən etmək, həmçinin iqtisadi-maliyyə təhlilinin tamlığını yoxlamaq üçün səyyar və distant yoxlamalar aparmaq;
- Qeyd olunan monitorinq məqsədləri çərçivəsində ətraf rayonlara səfərlər təşkil etmək;
- Kredit portfelinin filiallar üzrə vəziyyətini və dinamikasını mütəmadi təhlil etmək, zəruri hesabatlar hazırlamaq;
- Kredit keyfiyyətinin artırılması üçün yeni yanaşmaların tətbiqi ilə bağlı təkliflər vermək.
Tələblər
- Maliyyə, menecment, iqtisadiyyat və ya hüquq sahəsi üzrə ali təhsil;
- Bank sektorunda kredit istiqamətində minimum 2 il iş təcrübəsi, biznes kreditləri sahəsində təcrübə arzuolunandır;
- MS Office proqramlarından, xüsusilə MS Excel-dən peşəkar istifadə bacarığı;
- Analitik düşünmə qabiliyyəti;
- Stressə davamlılıq və komanda ilə işləmək bacarığı;
- Hərbi xidməti başa vurmuş və ya hərbi xidmətdən möhlət hüququ olan namizədlər (oğlanlar üçün).
İş şərtləri
Vakansiya növü: Tam ştat
Müraciət qaydası
Maraqlanan namizədlər Müraciət et düyməsində göstərilən link vasitəsilə müraciət edə bilərlər.
