Creative marketing manager

Bakıda Creative Marketing Manager vakansiyası elan olunur. Bu rol satış və kommunikasiya məqsədlərinə uyğun marketinq kampaniyalarının planlanması, kreativ konseptlərin qurulması və icrasının idarə olunmasını əhatə edir.

Şirkət haqqında

BDA Azərbaycanın aparıcı yaradıcı təhsil mərkəzlərindən biridir. Beynəlxalq standartlarda peşə təhsili və Adobe, Microsoft, Autodesk, Cisco, PMI və digər beynəlxalq sertifikasiyalar təqdim edir.

Şirkət yerli istedadların beynəlxalq səviyyədə tanınmasına dəstək verir, ölkədən qlobal yarışlarda potensiallı namizədlərin iştirakını təmin edir, həmçinin beynəlxalq yarışlar və tədbirlər təşkil edir.

Əsas vəzifələr

• Şirkətin kommersiya məqsədlərinə uyğun marketinq və reklam kampaniyalarını planlamaq və həyata keçirmək;
• Kampaniyalar üçün kreativ ideya, konsept, mesaj, hook və formatlar hazırlamaq;
• Satış yönümlü reklam kontenti ilə brand və PR yönümlü kontentin fərqini nəzərə alaraq düzgün kommunikasiya qurmaq;
• Bir kampaniya üçün müxtəlif kreativ yanaşmalar, hook-lar, mesajlar və formatlar hazırlamaq və test etmək;
• Digital Expert-dən əldə olunan nəticələrə əsasən kreativ və kommunikasiya tərəfdə dəyişiklikləri müəyyənləşdirmək və yeni testlər qurmaq;
• Designer, videographer, Reels/TikTok content creator və digər kreativ resursların işini planlamaq, koordinasiya etmək və nəticəyə nəzarət etmək;
• Çəkilişlərin və reklam kontentinin ideyadan hazır materiala qədər bütün prosesini idarə etmək;
• Məqsəd və biznes ehtiyacını anlayaraq əlavə brief gözləmədən layihə briefini hazırlamaq və komandanın icrasını təşkil etmək;
• Məhsul kataloqu, kampaniya materialları, təqdimatlar və digər marketinq materiallarının məqsədə uyğun hazırlanmasını təmin etmək;
• Yeni kampaniya, kommunikasiya, kontent və reklam ideyalarını proaktiv şəkildə təklif etmək;
• Yerli və beynəlxalq reklam trendlərini, rəqiblərin fəaliyyətini, yeni format və platformaları davamlı araşdırmaq və uyğun ideyaları tətbiq etmək;
• Commercial Manager və Digital Expert ilə birlikdə marketinq fəaliyyətlərini kommersiya nəticələrinə uyğun inkişaf etdirmək.

Namizəddən gözləntilər

• Marketing, Advertising, Creative Marketing və ya əlaqəli sahələrdə minimum 4 il relevant iş təcrübəsi;
• Reklam kampaniyalarının ideyadan icraya qədər hazırlanması üzrə real təcrübə;
• Əvvəlki işlərdən reklam və marketinq kampaniyalarını əks etdirən portfolio və real iş nümunələri;
• Güclü kreativ və konseptual düşüncə ilə yanaşı nəticə yönümlü yanaşma;
• Satış yönümlü reklam kommunikasiya ilə brand/PR kommunikasiya fərqini ayırd edə bilmək;
• CTR, CPL, conversion kimi əsas digital marketing göstəricilərini oxuyub anlamaq və nəticələrə əsasən müvafiq dəyişikliklər etmək bacarığı;
• Creative testing məntiqini anlamaq və nəticəyə uyğun yeni kreativ yanaşmalar hazırlamaq;
• Designer, videographer və content creator üçün aydın və peşəkar brief hazırlamaq bacarığı;
• Çəkiliş və content production proseslərini planlamaq və idarə etmək təcrübəsi;
• Trendləri sadəcə izləmək deyil, onları brend və satış məqsədlərinə uyğunlaşdırmaq bacarığı;
• Güclü araşdırma qabiliyyəti, bilinməyən mövzunu qısa müddətdə araşdırıb həll və ideya tapa bilmək;
• Brief və tapşırıq gözləmədən ehtiyacı görmək, təşəbbüs göstərmək və təkliflərlə çıxış etmək;
• Yüksək məsuliyyət, sürətli icra və iş prosesində şəffaflıq.

Bu rolda kim axtarılır?

Bizə yalnız verilən tapşırıqları yerinə yetirən Creative Marketing Manager deyil, məqsədi düzgün anlayan, “nə hazırlayaq və necə hazırlayaq?” sualına özü cavab qura bilən və kreativ ideyanı nəticə verən marketinq işinə çevirə bilən mütəxəssis lazımdır.