Bakıda fəaliyyət göstərən şirkət Data analitikası üzrə aparıcı mütəxəssis vəzifəsinə namizəd axtarır. Bu mövqe məlumatların təhlili, analitik hesabatların hazırlanması və biznes qərarlarının dəstəklənməsi sahəsində təcrübəsi olan mütəxəssislər üçün nəzərdə tutulub.
Tələb olunan bilik və bacarıqlar
- Statistika, Riyaziyyat, İnformatika, Biznesin idarə edilməsi və ya digər müvafiq sahə üzrə ali təhsil;
- Data analitikası sahəsində minimum 2 illik iş təcrübəsi;
- Anbar idarəetməsi, istehsalat və logistika sahələrində təcrübənin olması üstünlük hesab olunur;
- Microsoft Excel proqramında yüksək səviyyəli bilik (Pivot Table, Power Query, VBA);
- Power BI proqramında yüksək səviyyəli bilik (Tableau biliyi əlavə üstünlükdür);
- SQL, Python və ya R dillərində işləmə bacarığı;
- Analitik təfəkkür, məlumatların şərh edilməsi və təqdimat bacarıqları;
- Azərbaycan dilini əla, ingilis dilini orta səviyyədə bilmək (rus dili biliyi üstünlükdür).
Vəzifə öhdəlikləri
- Şirkətin strateji və əməliyyat qərarlarını dəstəkləmək üçün məlumatların təhlilini aparmaq və analitik nəticələr hazırlamaq;
- Mürəkkəb analitik nəticələri rəhbərlik və aidiyyəti şəxslər üçün aydın və vizual formada təqdim etmək;
- Məlumatların keyfiyyətinə nəzarət etmək, uyğunsuzluqları aşkar etmək və data təmizləmə proseslərini yerinə yetirmək;
- Biznes bölmələri ilə əməkdaşlıq edərək analitik tələbləri müəyyənləşdirmək və müvafiq həllər təklif etmək;
- KPI-ların formalaşdırılması, izlənməsi və performans göstəricilərinin təhlilində iştirak etmək;
- Əməliyyat proseslərinin səmərəliliyini artırmaq üçün analitik yanaşmalar tətbiq etmək və təkmilləşdirmə təklifləri vermək;
- Dashboard, hesabat və digər analitik alətlərin hazırlanmasına və inkişafına dəstək vermək;
- Kiçik və orta səviyyəli data analitiklərinə metodoloji dəstək göstərmək və təcrübə mübadiləsində iştirak etmək;
- Data analitikası sahəsindəki yeni texnologiya və metodları izləmək, onların tətbiqi üzrə təşəbbüs göstərmək;
- Dövri hesabatlar hazırlamaq və görülən işlər barədə rəhbərliyə məlumat vermək.
Təminat və əlavə üstünlüklər
- Könüllü tibbi sığorta (işə başladıqdan 3 ay sonra);
- “DəyərliSən” mobil tətbiqi vasitəsilə PAŞA Loyallıq platformasından istifadə imkanı.
İş qrafiki
Həftə içi 5 gün.
Ünvan
“Çıraq Plaza” Biznes mərkəzi, Bakı şəhəri.
Vakansiyaya müraciət
Vakansiya ilə əlaqədar CV-nizi “Data analitikası üzrə aparıcı mütəxəssis” mövzusu ilə “Müraciət et” düyməsində göstərilən elektron poçt ünvanına göndərə bilərsiniz.
