Daxili audit üzrə mütəxəssis vakansiyası üçün uyğun namizədlərdən analitik yanaşma, audit bacarığı və ERP sistemi ilə işləmə təcrübəsi gözlənilir.
Vəzifə tələbləri
- Müvafiq sahədə 1-2 il iş təcrübəsi olmalıdır;
- MS Office proqramlarında sərbəst işləmək bacarığı olmalıdır;
- Analitik düşüncə tərzi, ünsiyyət bacarığı və təqdimat qabiliyyəti vacibdir;
- Yaradıcı yanaşmaya malik olmalıdır;
- Operativ və düzgün qərar verməyi bacarmalıdır;
- Problem həll etmə bacarığı olmalıdır;
- Şifahi və yazılı ünsiyyətdə yüksək səviyyə tələb olunur;
- Xarici dil bilikləri üstünlük hesab olunur.
Vəzifə öhdəlikləri
- Mağazalarda və mərkəzi anbarda mövcud mal qalığının, eləcə də xəzinələrdə olan qiymətlilərin, o cümlədən pul vəsaiti və hədiyyə kartlarının sayımında iştirak etmək, ERP sistemindən əldə olunan hesabatlarla müqayisə aparmaq və nəticələri sənədləşdirmək;
- Sayım zamanı müəyyən edilən çatışmazlıqların səbəblərini aydınlaşdırmaq üçün ERP sistemi və aidiyyəti sənədlər üzrə araşdırma aparmaq;
- Mağaza və mərkəzi anbarda olan malların satışa yararlılıq vəziyyətini müəyyən etmək üçün texniki baxış və qiymətləndirmə işlərini həyata keçirmək;
- Mağazaların fəaliyyətini qiymətləndirmək məqsədilə müəyyən olunmuş meyarlara əsasən müşahidələr aparmaq, əməkdaşlara suallar vermək, nəticələri təhlil edib dəyərləndirmək və əldə edilən məlumatlar barədə rəhbərliyə hesabat təqdim etmək;
- Servis tərəfindən satışa yararsız hesab edilən malların məhv edilməsi prosesində işçi qrupunun tərkibində iştirak etmək və prosesin nəticələrinin aktlaşdırılmasına dəstək vermək;
- Audit nəticələrinə əsasən verilmiş tövsiyələrin icra vəziyyətini qiymətləndirmək üçün monitorinqlər aparmaq və nəticələr barədə məlumat hazırlamaq;
- Audit nəticələrinin ümumiləşdirilməsi və ilkin audit hesabatının hazırlanması üçün toplanmış məlumatları sistemləşdirmək və rəhbərliyə təqdim etmək.
Maraqlanan namizədlər Müraciət et düyməsində göstərilən link vasitəsilə ərizə göndərə bilərlər.
