Supertoys komandası üçün e-ticarət və marketplace kanallarının inkişafına rəhbərlik edəcək, analitik baxışa və satış yönümlü yanaşmaya malik E-ticarət və Marketplace üzrə Baş Mütəxəssis axtarılır.
Vəzifə öhdəlikləri
- Supertoys-un e-ticarət platformasında və marketplace kanallarında (Wolt, Bolt, Birmarket, Tap.az) məhsulların düzgün yerləşdirilməsini və aktivliyinin qorunmasını təmin etmək;
- Yeni məhsulları platformalara vaxtında əlavə etmək;
- Məhsul adlarını, təsvirlərini, xüsusiyyətlərini, qiymətlərini, şəkillərini və digər məlumatları dəqiq daxil etmək;
- SEO tələblərinə uyğun olaraq məhsul adlarını, təsvirlərini və açar sözləri optimallaşdırmaq;
- Qiymət, stok və məhsul mövcudluğu məlumatlarını mütəmadi yeniləmək;
- Marketplace-lərdə məhsulların görünürlüğünü və satış nəticələrini artırmaq üçün təkliflər hazırlamaq;
- Kampaniya, endirim və xüsusi təkliflərin marketplace platformalarında vaxtında tətbiq olunmasını izləmək;
- Marketplace-lərin kampaniya imkanlarını araşdırmaq və satışın yüksəldilməsi üçün yeni mexanizmlər təklif etmək;
- Məhsul satışları, sifariş sayı, dövriyyə, orta çek, conversion və digər əsas KPI-ları izləmək;
- Marketplace-lər üzrə satış nəticələrini təhlil etmək və aylıq, həftəlik hesabatlar hazırlamaq;
- Satışı yüksək və aşağı olan məhsulları müəyyənləşdirmək, uyğun aksiyalar təklif etmək;
- Marketinq, satınalma, satış, anbar və IT komandaları ilə koordinasiyalı işləmək;
- Marketplace tərəfdaşları ilə operativ ünsiyyət qurmaq;
- Müştəri təcrübəsinin və onlayn alış prosesinin yaxşılaşdırılması üzrə təkliflər hazırlamaq;
- Rəqiblərin marketplace-lərdə qiymət, çeşid, kampaniya və təqdimatlarını izləmək.
Namizədə tələblər
- E-ticarət və ya marketplace sahəsində iş təcrübəsi;
- Marketplace platformalarının iş prinsiplərini bilməsi;
- Məhsul kontentinin idarə olunması üzrə praktiki təcrübə;
- Satış göstəricilərinin və hesabatların təhlilini apara bilməsi;
- Analitik düşüncə və rəqəmlərlə işləmə bacarığı;
- Komanda ilə işləmək və fərqli şöbələrlə səmərəli koordinasiya qurmaq bacarığı;
- Rus və ya ingilis dilini bilmək üstünlükdür;
- Uşaq məhsulları və retail sahəsində təcrübə üstünlükdür.
Əmək haqqı
1000-1200 AZN (əməkdaşın bilik və bacarıqlarına uyğun təyin olunacaq)
Vakansiya aktiv deyil, son elanlara aşağıdan keçid edin
