Bakı şəhərində restoran şəbəkəsində elektrik vakansiyası təqdim olunur. “GFC” MMC-nin KFC, PH və Simit Sarayı məkanlarında işləyəcək təcrübəli elektrik axtarılır.
Namizədə dair tələblər
- Azərbaycan dili üzrə biliklər;
- Məsuliyyətli olmaq, dəqiqlik göstərmək və detallara diqqət yetirmək bacarığı;
- Elektrik ixtisası üzrə xüsusi texniki təhsil, ən azı 4-cü elektrik dərəcəsi;
- Müvafiq vəzifə üzrə minimum 4 il iş təcrübəsi;
- BC kateqoriyalı sürücülük vəsiqəsi;
- Komanda ilə işləmək bacarığı;
- Xasiyyətnamə tələb olunur.
Əsas vəzifə öhdəlikləri
- Elektrik sistemlərinin, onların komponentlərinin və elektrik avadanlıqlarının tədqiqi, planlaşdırılması, quraşdırılması, istismarı, saxlanması və modul, eləcə də komponent səviyyəsində təmiri;
- Restorandakı elektrik və texniki avadanlıqlara, həmçinin digər elektrik cihazlarına xidmət göstərmək, profilaktik baxım və təmir işlərini icra etmək;
- Sıradan çıxmış elektrik lampalarını dəyişdirmək və tələb olunan digər elektrik işlərini yerinə yetirmək;
- Avadanlığın və elektrik şəbəkəsinin fasiləsiz işləməsini, düzgün istismar olunmasını mütəmadi yoxlamaq;
- Avadanlığın iş şəraitini öyrənmək, vaxtından əvvəl köhnəlmə səbəblərini müəyyən etmək, elektrik enerjisi itkilərini araşdırmaq və onların aradan qaldırılması üçün tədbirlər görmək;
- Elektrik avadanlıqlarının təmiri və quraşdırılması zamanı təhlükəsizlik texnikası qaydalarını bilmək və onlara ciddi riayət etmək;
- Avadanlıqların texniki servisini, profilaktik və plandanxaric təmirinin təşkili və icrası;
- Bütün təmir işlərinin görülməsi üçün lazım olan materiallarla bağlı sifarişlərin verilməsində iştirak etmək.
İş şəraiti
- Azərbaycan Respublikası Əmək Məcəlləsinə əsasən sənədləşmə;
- 6 günlük iş rejimi.
Müraciət qaydası
Maraqlanan namizədlər CV-lərini e-mailin mövzu hissəsində “Elektrik” qeyd etməklə Müraciət et düyməsində göstərilən elektron poçt ünvanına göndərə bilərlər. Yalnız seçilmiş namizədlərlə əlaqə saxlanılacaq.
