Şuşada elektrik üzrə sahə mütəxəssisi vakansiyası üzrə müraciətlər qəbul olunur. Bu iş elektrik sistemləri, DALI və PLC ilə bağlı sahə işini əhatə edir.
Əsas vəzifələr
- Sahədə mövcud olan elektrik sistemləri və avadanlıqlar üzərində nəzarəti həyata keçirmək;
- Elektrik sistemlərində yaranan nasazlıqları müəyyən edib aradan qaldırmaq;
- Elektrik xətləri, panellər, avtomatlar, kontaktorlar və digər avadanlıqlardakı qüsurları aşkarlamaq;
- DALI işıqlandırma sistemində yaranan problemləri diaqnostika etmək və mümkün nasazlıqları aradan qaldırmaq;
- PLC sistemlərində meydana çıxan problemləri ilkin mərhələdə müəyyən etmək və diaqnostika aparmaq;
- Sahədə sensor, aktuator, kabel, qida xətti və digər elektrik komponentlərindəki problemləri tapmaq;
- Elektrik panellərinin və idarəetmə sistemlərinin işinə nəzarət etmək;
- Avadanlıqların düzgün və təhlükəsiz şəkildə işləməsini təmin etmək;
- Aşkar edilən nasazlıqlar barədə rəhbərliyi məlumatlandırmaq və onların aradan qaldırılmasında iştirak etmək;
- Mövcud elektrik və avtomatika avadanlıqlarının texniki vəziyyətini daim nəzarətdə saxlamaq.
Namizədə tələblər
- Elektrik sahəsində iş təcrübəsinin olması;
- Elektrik sxemlərini oxumaq və anlamaq bacarığı;
- Elektrik panelləri və idarəetmə sistemləri ilə işləmə bacarığı;
- Avtomatika sistemləri barədə praktiki anlayış;
- DALI sistemləri üzrə bilik və ilkin nasazlıq müəyyən etmə bacarığı;
- PLC sistemləri haqqında anlayış və PLC ilə bağlı problemlərin ilkin diaqnostikasını aparmaq bacarığı;
- Multimetr və digər ölçü cihazlarından istifadə bacarığı;
- Sahədə elektrik nasazlığının səbəbini araşdırmaq və müəyyənləşdirmək bacarığı;
- 35 kV elektrik qurğuları və yarımstansiya avadanlıqları barədə ən azı ilkin anlayış;
- Elektrik təhlükəsizliyi qaydalarına riayət etmək;
- Məsuliyyətli, diqqətli və operativ olmaq;
- Sahə şəraitində işləməyə hazır olmaq.
İş şəraiti
- Qalmaq yeri şirkət tərəfindən təmin olunur;
- İlk 3 ay sınaq müddətidir, bundan sonra növbəli iş rejimi tətbiq olunur;
- İş praktiki sahə şəraitində həyata keçirilir;
- Əmək haqqı bilik, bacarıq və təcrübəyə əsasən müəyyən edilir;
- İşə başlamazdan əvvəl avadanlıqlar və sahə üzrə praktiki təlim və təhvil-təslim prosesi aparılır.
Müraciət qaydası
Uyğun namizədlər CV-lərini Müraciət et düyməsində göstərilən elektron poçt ünvanına göndərərkən mövzu hissəsində “Elektrik üzrə sahə mütəxəssisi” yazmalıdırlar.
