Elektrik sistemləri üzrə texnik layihəçi vakansiyası elan olunur.
Vəzifə öhdəlikləri
- Mövcud elektrik layihə çertyojlarını və texniki sənədləri təhlil etmək;
- Elektrik sistemləri üzrə İşçi Çertyojların (Shop Drawing) hazırlanmasını təmin etmək;
- AutoCAD və/və ya Revit proqram təminatında 2D/3D çertyojlar tərtib etmək;
- İşıqlandırma (Lighting) və Qidalandırma/Xırda güc şəbəkəsi (Small Power) planlarını işləyib hazırlamaq;
- Dialux işıqlandırma hesabatlarını nəzərdən keçirmək və zərurət yarandıqda yeni hesabatlar tərtib etmək;
- Kabel kanalı (Cable tray), kabel nərdivanı (Cable ladder) və digər kabel daşıyıcı sistemlərin İşçi Çertyojlarını hazırlamaq;
- Baş Paylayıcı Lövhə (MDB), Köməkçi Paylayıcı Lövhə (SMDB), Paylayıcı Lövhə (DB) və digər elektrik panellərinin yerləşməsini və bağlantılarını çertyojlarda əks etdirmək;
- Tək Xətt Sxemi (Single Line Diagram – SLD) və digər elektrik sxemlərini layihə tələblərinə əsasən hazırlamaq və yeniləmək;
- Torpaqlama (Earthing) və İldırımdan Mühafizə (Lightning Protection) sistemlərinə dair çertyojları tərtib etmək;
- Elektrik sistemlərinin digər mühəndis-kommunikasiya və memarlıq bölmələri ilə koordinasiyasını həyata keçirmək;
- Layihə və İşçi Çertyoj arasındaki uyğunsuzluqları aşkar edərək layihə mühəndisi ilə razılaşdırmaq;
- Çertyoj reviziyalarını idarə etmək və edilən dəyişiklikləri dəqiq şəkildə əks etdirmək;
- İcra çertyojlarının (As-built) hazırlanması prosesində iştirak etmək;
- Çertyojların şirkət daxili və layihə standartlarına uyğunluğunu yoxlamaq;
- Layihə mühəndisləri və digər sahələrin çizimçiləri ilə əlaqəli işləmək.
Namizədə tələblər
- Elektrik, Elektrotexnika, Mühəndis-Kommunikasiya Sistemləri (MEP) və ya buna yaxın sahə üzrə texniki təhsil;
- Elektrik çizimləri və ya mühəndis-kommunikasiya layihələri üzrə ən azı 3 illik iş təcrübəsi;
- AutoCAD proqramında yüksək səviyyədə işləmə bacarığı;
- Revit MEP üzrə bilik üstünlük sayılır;
- Elektrik İşçi Çertyojlarının (Shop Drawing) hazırlanmasında praktiki təcrübə;
- İşıqlandırma, qidalandırma şəbəkəsi, kabel kanalı/nərdivanı və digər elektrik sistemləri üzrə əsaslı bilik;
- Tək Xətt Sxemi (SLD) və digər elektrik sxemləri ilə iş bacarığı;
- Güc və işıqlandırma hesablamalarının aparılması bacarığı;
- Mühəndis sistemlərinin koordinasiyası prinsiplərinə dair əsas anlayış;
- Texniki çertyoj standartları və ölçüləndirmə (dimensioning) qaydaları haqqında məlumatlılıq;
- MS Office proqram paketində işləmə bacarığı;
- Detallara həssaslıq və məsuliyyətli iş prinsipi;
- Komanda daxilində işləmək və tapşırıqları vaxtında yerinə yetirmək qabiliyyəti.
Vakansiya növü: Tam ştat.
Maraqlanan namizədlər Müraciət et düyməsi vasitəsilə elan olunan linkə keçid edərək müraciətlərini göndərə bilərlər.
