Şirkətimiz svetofor nəzarətçisi (Controller) sistemlərinin texniki inkişafı istiqamətində fəaliyyət göstərən Elektronika üzrə Baş Mühəndis axtarır. Bu vəzifədə çalışacaq mütəxəssis yeni nəsil yol hərəkəti idarəetmə sistemlərinin elektronika dizaynından mikrokontroller səviyyəsində proqramlaşdırılmasına qədər bütün texniki inkişaf mərhələlərini müstəqil şəkildə həyata keçirəcək.
Vəzifə öhdəlikləri
- Svetofor nəzarətçisi sistemləri sahəsində qlobal standartların və mövcud texniki həllərin dərin təhlili və Ar-Ge fəaliyyətinin aparılması
- Məhsul tələblərinə uyğun elektrik sxemlərinin və çoxqatlı çap olunmuş dövrə lövhələrinin (PCB) sıfırdan layihələndirilməsi və prototiplərinin yığılması
- ARM və analoji arxitekturalı mikrokontrollerlərin C/C++ dilində aşağı səviyyəli proqram təminatının yazılması, sazlanması (debug) və funksionallığının yoxlanılması
- Nəzarətçilərin mərkəzi idarəetmə sistemləri ilə TCP/IP, Modbus, CAN və digər şəbəkə protokolları üzərindən etibarlı kommunikasiyasının qurulması
- Mürəkkəb elektron nasazlıqların aşkarlanması, qurğuların texniki göstəricilərinin analiz edilməsi və təkmilləşdirilməsi
- Dizayn qərarları, proqram kodu, sınaq nəticələri, Gerber faylları və BOM daxil olmaqla tam texniki sənədləşmənin aparılması
- Layihənin yerli və beynəlxalq keyfiyyət və təhlükəsizlik standartlarına uyğunluğunun təmin edilməsi
Namizədə olan tələblər
- Elektronika Mühəndisliyi, Avtomatika və ya müvafiq texniki sahə üzrə ali təhsil
- Əlaqədar sahədə 5-7 il iş təcrübəsi
- Mikrokontrollerlər (MCU) üzərində C/C++ proqramlaşdırma və embedded sistemlər sahəsində 3-5 il praktiki təcrübə
- Çoxqatlı PCB dizaynı və istehsala hazırlama bacarığı; Altium Designer və ya Eagle kimi EDA alətləri ilə iş təcrübəsi
- Sənaye kommunikasiya protokolları üzrə möhkəm biliklər: TCP/IP, UDP, Modbus, RS-485, CAN, I2C, SPI
- Yeni texnologiyaları araşdıraraq öz mühəndislik həllərinə tətbiq etmək bacarığı
- Svetofor nəzarətçiləri, trafik sensorları və ya yol idarəetmə arxitekturaları sahəsində əvvəlcədən bilik — əlavə üstünlük sayılır
- Detallara diqqət, məsuliyyətlilik, fərdi və komanda şəraitində effektiv iş bacarığı
İş şərtləri
- Azərbaycan Respublikası Əmək Məcəlləsinə uyğun rəsmi sənədləşmə
- Həftədə 5 iş günü, saat 08:00–17:00 (nahar fasiləsi: 13:00–14:00)
- Əmək haqqı: 1300–1500 AZN (təcrübəyə əsasən müəyyən edilir)
- Metrodan yaxın məsafədə servis xidməti mövcuddur
Şirkətin təqdim etdiyi imkanlar
- İnformasiya texnologiyaları sahəsində peşəkar komandada çalışmaq
- Karyera inkişafı üçün daxili imkanlar
- Peşəkar təlim və inkişaf proqramlarında iştirak
- Könüllü tibbi sığorta (işə başlamaqdan 3 ay sonra)
- Korporativ nömrə və danışıq limiti
Vakansiya aktiv deyil, son elanlara aşağıdan keçid edin
