Bakı şəhərində yerləşən Ağdağ gips zavodu üçün Energetik vakansiyası üzrə namizəd axtarılır.
Vəzifə haqqında
Namizəd zavodun enerji təminatına, elektrik sistemlərinin işlək vəziyyətdə saxlanmasına və texniki proseslərin nəzarətdə tutulmasına cavabdeh olacaq.
Tələblər
- Ali texniki təhsil: energetika, elektrotexnika, enerji sistemləri mühəndisliyi və ya əlaqədar ixtisaslar üzrə.
- Energetika və enerji təsərrüfatının idarə olunması istiqamətində əlavə ixtisasartırma və ya sertifikat proqramlarının tamamlanması üstünlükdür.
- Energetika və ya istehsalat sahəsində azı 3 il mühəndis və ya rəhbər vəzifədə iş təcrübəsi.
- Enerji təsərrüfatının istismarı, texniki xidməti və təhlükəsizliyi üzrə praktiki bilik və bacarıqlar.
Əsas vəzifələr
- İşə başlamazdan əvvəl işçilərə işöncəsi təlimat vermək və təlimat vərəqlərinin imzalanmasını təmin etmək.
- Gün ərzində görüləcək işləri işçilər arasında bölüşdürmək.
- Görülən işlərin icrasına nəzarət etmək.
- İşçilərlə birlikdə avadanlıqlara baxış keçirmək, nasazlıqları müəyyənləşdirmək və planlı təmir işlərinin icrasına nəzarət etmək.
- Elektrik təchizat sistemini gündəlik yoxlamaq və onların işlək vəziyyətdə qalmasını təmin etmək.
- Müəssisəni enerji təchizatı ilə fasiləsiz təmin etmək.
- Bütün elektrik avadanlıqlarının texniki cəhətdən düzgün istismarına, təmirinə və enerjiyə qənaətli sərfinə nəzarət etmək.
- Elektrik quraşdırma üzrə texniki şərtləri razılaşdırmaq və təsdiqləmək.
- İş yerində səmərəliliyin artırılması və avadanlığın modernləşdirilməsi ilə bağlı layihə və konstruktor sənədlərinə nəzarət etmək.
- İstehsal, quraşdırma standartları və spesifikasiyalara uyğun layihələrin hazırlanması üçün texniki və maliyyə hesablamaları aparmaq, ehtiyac olduqda komanda üzvlərinə rəhbərlik etmək və onlara təlim keçmək.
- Gözlənilən və ya gözlənilməz iş rejimi şəraitində qərarların qəbuluna məsuliyyət daşımaq.
- Rəhbərlik tərəfindən vəzifə təlimatına uyğun verilən digər tapşırıqları yerinə yetirmək.
- İstismarda olan elektrik avadanlıqlarının dövlət enerji nəzarəti üzrə vaxtında sınaqlarını keçirmək və sənədlərin qaydasında olmasını təmin etmək.
- SƏTƏM qaydalarına əməl etmək.
- Tabeliyində olan işçilərin təhlükəsiz şəraitdə çalışmasına və SƏTƏM qaydalarına riayət etməsinə birbaşa cavabdehlik daşımaq.
- Yanğın təhlükəsizliyi qaydalarına özünün və tabeliyində olan işçilərin əməl etməsini təmin etmək.
- Tabeliyində olan işçilərin növbə qrafikini, ehtiyac olduqda, tərtib etmək.
- Planlaşdırılmış və plandan kənar təmir fəaliyyətlərinin həyata keçirilməsini təmin etmək.
- Texniki qulluq və istehsalat təlimatlarının yenilənməsinə, həmin təlimatlara uyğun fəaliyyət göstərilməsinə nəzarət etmək.
- Zavodda elektrik sahəsində standartlaşdırma işlərini təşkil etmək, standart və texniki şərtlərin istehsalatda tətbiqinə nəzarət etmək.
- Texnoloji avadanlıqlarda yaranan qəzaların səbəblərini araşdırmaq və qarşısının alınması üçün tədbirlər hazırlamaq.
- Texniki nasazlıqların səbəblərini təhlil edərək uzunmüddətli həll yollarını təmin etmək.
- Müəssisədaxili ərazilərin və zavoddaxili işıqlandırma sisteminin daim saz vəziyyətdə saxlanmasına nəzarət etmək.
Vakansiya aktiv deyil, son elanlara aşağıdan keçid edin
