Gəncədə Hüquq məsləhətçisi vakansiyası üzrə müraciətlər qəbul olunur. Bank hüquqi işlərinin aparılması, məhkəmə prosesləri və müqavilələrin hazırlanması bu vəzifənin əsas istiqamətlərindəndir.
Vəzifələr
- Məhkəmə, dövlət hakimiyyəti və idarəetmə orqanları, ictimai təşkilatlar və digər üçüncü şəxslər qarşısında Bankı təmsil etməklə onun hüquq və mənafelərinin müdafiəsini təmin etmək;
- Bankın verdiyi iddia və digər ərizələri hazırlamaq, banka qarşı qaldırılan iddialar üzrə etirazlar və mülahizələr tərtib etmək, habelə çıxarılmış məhkəmə qərarlarına dair şikayətləri hazırlamaq;
- Bank fəaliyyətinin müxtəlif sahələri üzrə müqavilələr və təsərrüfat müqavilələri hazırlamaq, kontragentlər tərəfindən təqdim olunan müqavilə layihələrinə Bankın hüquq və mənafelərinə və qüvvədə olan qanunvericiliyin tələblərinə uyğunluq baxımından zəruri əlavə və dəyişikliklər etmək;
- Bankın bağlaması nəzərdə tutulan və Hüquq idarəsinə və ya filialın hüquq məsləhətçisinə viza üçün təqdim edilən müqavilələr üzrə hüquqi rəy vermək;
- Bankda müştərilərə hesabların açılması qaydasına əməl olunmasına nəzarət etmək;
- İcraatda olan və icraatı tamamlanmış məhkəmə işlərinin uçotunu və saxlanmasını həyata keçirmək;
- Hüquq idarəsinə və ya filialın hüquq məsləhətçisinin icraatına daxil olan və çıxan sənədlərin, işlərin uçotunu aparmaq.
Tələblər
- Hüquq sahəsində ali təhsil;
- Hərbi xidməti başa vurmuş və ya hərbi xidmətdən möhlət hüququ olan şəxslər (oğlanlar üçün);
- Bank və ya digər kredit təşkilatlarında hüquqi təminat sahəsində azı 2 il iş təcrübəsi arzuolunandır;
- Azərbaycan Respublikasının qanunvericiliyini və normativ-hüquqi aktlarını bilmək;
- Azərbaycan Respublikasının mülki, mülki-prosessual, əmək, inzibati və vergi hüququnun əsaslarını bilmək;
- Mülki-hüquqi əqdlərin tərtibi sahəsində təcrübəyə malik olmaq, onların bağlanması və rəsmiləşdirilməsi qaydasını bilmək;
- Hüquqi sənədlərin sistemləşdirilməsi, aparılması və uçotu qaydalarını bilmək;
- Azərbaycan dilini mükəmməl bilmək, rus və ingilis dillərini bilən namizədlərə üstünlük veriləcək;
- Yüksək qavrama və öyrənmə qabiliyyəti;
- Kompüter bilikləri.
Üstünlük verilənlər
Bankda hüquqi işin, o cümlədən məhkəmə işlərinin aparılması təcrübəsi olan namizədlərə üstünlük verilir.
Vakansiya haqqında
Vakansiya növü: Tam ştat
Vakansiya aktiv deyil, son elanlara aşağıdan keçid edin
