Hüquqşünas

Bakıda hüquqşünas vakansiyası üzrə korporativ hüquq sahəsində təcrübəli namizədlər axtarılır. Hüquqi dəqiqlik, analitik yanaşma və peşəkar sənədləşdirmə bacarığı vacibdir.

Tələblər

• Hüquq üzrə ali təhsilli bəy namizədlər; magistr dərəcəsinin olması üstünlük sayılır.
• Korporativ hüquq sahəsində minimum 3 il iş təcrübəsi.
• Azərbaycan Respublikasının Konstitusiyası, Mülki, Mülki Prosessual, İnzibati Prosessual, Əmək, İnzibati Xətalar Məcəlləsi, normativ hüquqi aktlar, İcra haqqında qanun, Əmək qanunvericiliyi və beynəlxalq qanunvericilik üzrə bilik.
• Analitik düşünmə və problemləri həll etmə bacarığı.
• Hüquqi nitq və peşəkar yazışma qabiliyyəti.
• Dil bilikləri: Azərbaycan və rus dili yüksək səviyyədə, ingilis dili arzuolunandır.
• e-taxes.gov.az, e-mehkeme.gov.az, e-qanun.az portallarından istifadə bacarığı.
• MS Word, Excel, PowerPoint və Outlook proqramlarında sərbəst işləmək bacarığı.
• Hüquqi sənədlərin sistemləşdirilməsi, aparılması və uçotu qaydalarını bilməsi.

Vəzifə öhdəlikləri

• Şirkətin bütün struktur bölmələrində mövcud olan hüquqi məsələləri yerində araşdırmaq və işçilərin təlimatlandırılmasında iştirak etmək.
• Gömrük proseslərinin gedişatında iştirak etmək və yaranan problemlərin həlli üçün tədbirlər görmək.
• Qüvvədə olan mülki, əmək, vergi, inzibati qanunvericilik və digər sahələr üzrə hüquqi məsləhətlər vermək.
• Şirkətin hüquqi maraqlarını məhkəmələrdə, hökumət orqanlarında və özəl idarələrdə təmsil etmək, məhkəmə işlərinin və məhkəmə qərarlarının icrası prosesini aparmaq.
• Daxili korporativ aktların, əmr, təlimat, prosedur-qayda və əsasnamələrin hazırlanmasında iştirak etmək, onların hüquqi ekspertizasını həyata keçirmək.
• Hüquqi məsələlərlə bağlı məktub, ərizə və şikayətləri müəyyən olunmuş müddətdə və qaydada cavablandırmaq.
• Müəssisənin adından bağlanan bütün əqdləri hüquqi ekspertizadan keçirmək, qanuna və müəssisənin mənafelərinə uyğun müqavilələri imza ilə təsdiqləmək və ya onlara dair yazılı rəy vermək, qanuna və müəssisənin mənafelərinə zidd əqdlərin tətbiqinin qarşısının alınması barədə rəhbərliyə əsaslandırılmış yazılı rəy təqdim etmək.
• Məhkəmədə irəli sürülən iddialarla bağlı qərarların icrasını təmin etmək.
• Müəssisənin fəaliyyəti üzrə müvafiq qanunvericiliyi, əlavə və dəyişiklikləri, eləcə də ləğv olunmuş müddəaları öyrənmək və müəssisənin maraqları baxımından təhlil etmək.
• Müəssisənin fəaliyyətində yaranan hüquqi məsələlərin həllində iştirak etmək.

İş şəraiti

• Azərbaycan Respublikası Əmək Məcəlləsinə əsasən sənədləşmə.
• 6 günlük iş qrafiki, şənbə günü qısaldılmış iş rejimi.
• Əmək haqqı müsahibənin nəticəsinə əsasən müəyyən ediləcək.
• İş yeri: Bakı.