Şirkətin hüquqi maraqlarının müdafiəsi və sənədləşmə işləri əsas vəzifələr sırasındadır.
Əsas vəzifə öhdəlikləri
- Şirkətin tərəf olduğu məhkəmə qərarlarının icrası ilə bağlı icra və probasiya şöbələrində şirkətin mənafelərini qorumaq;
- İcra vərəqlərinin məcburi icrasını tələb etmək, icra məmurunun hərəkət və hərəkətsizlikləri, eləcə də qərarları üzrə aidiyyəti qaydada şikayət vermək və onların təmin olunmasını izləmək;
- İcra prosesində əldə olunan pul vəsaitlərinin və əmlakın şirkətə təhvil verilməsini təmin etmək, icra işləri ilə əlaqədar hüquq-mühafizə orqanlarına müraciətlər etmək, sənədləri təqdim etmək və həmin orqanlarda görülən işlər üzrə tədbirlərin icrasını tələb etmək;
- Qanunvericilikdə baş verən dəyişiklikləri daimi izləmək, iş fəaliyyətini bu dəyişikliklərə uyğunlaşdırmaq və şirkətin maraqlarının qorunması üçün zəruri addımlar atmaq;
- Birbaşa rəhbərin və şirkət rəhbərliyinin hüquqi məsələlərlə bağlı verdiyi bütün tapşırıqları yerinə yetirmək.
Tələb olunan bilik və bacarıqlar
- Azərbaycan Respublikasının Mülki, Mülki-Prosessual və İcra haqqında qanunvericiliyi üzrə yüksək səviyyədə biliklər;
- Məhkəmələr və digər dövlət orqanları üçün ərizə, şikayət və digər hüquqi sənədlərin hazırlanması bacarığı;
- Borclularla səmərəli ünsiyyət qurmaq üçün danışıqlar aparmaq, inandırmaq və konfliktləri idarə etmək bacarıqları;
- MS Office proqramları üzrə biliklər.
Təhsil və iş təcrübəsi
- Təhsil: Ali təhsil, ixtisas üzrə hüquqşünas;
- Problemli işlər, borcların idarə edilməsi və ya məhkəmə işləri sahəsində minimum 1-3 il iş təcrübəsi tələb olunur; Bank, BOKT və ya holdinq təcrübəsi olan namizədlərə üstünlük veriləcək.
İş şərtləri
- İş qrafiki: Tam iş günü, 5 gün;
- İş saatları: 09:00-18:00;
- İş yeri: Bakı, Aşıq Molla Cümə küç., 46C.
Biz nə təklif edirik
- Əmək bazarında rəqabətli əməkhaqqı;
- Peşəkar komanda mühiti;
- Şirkət hesabına korporativ nömrə;
- Nahar təminatı.
Müraciət qaydası
Göstərilən tələblərə uyğun namizədlərdən CV-lərini mövzu hissəsində “Hüquqşünas” yazmaqla Müraciət et düyməsində qeyd olunan elektron poçt ünvanına göndərmələri xahiş olunur. Yalnız tələblərə cavab verən namizədlərlə əlaqə saxlanılacaq.
