Hazırda iş yeri Tərtər şəhərində olan qurum hüquq şöbəsi üçün Hüquqşünas vəzifəsinə namizəd axtarır. Qeyd etmək lazımdır ki, 2026-cı ilin sonuna qədər idarənin Xankəndi şəhərinə köçürülməsi planlaşdırılır.
Əsas vəzifə öhdəlikləri
- Qurumun fəaliyyətini əhatə edən normativ hüquqi aktların, müqavilələrin və daxili qaydaların layihələrinin işlənib hazırlanması və hüquqi ekspertizasının aparılması;
- Struktur bölmələr tərəfindən təqdim edilən sənədlərin qüvvədə olan qanunvericiliyə cavab verib-vermədiyinin yoxlanılması, müvafiq hüquqi rəy və tövsiyələrin hazırlanması;
- Qanunvericilik bazasının yaradılması, müntəzəm olaraq yenilənməsi və zəruri hallarda təkmilləşdirilməsi;
- İdarə rəhbərliyinə və əməkdaşlara hüquqi məsələlər üzrə məsləhət xidmətinin göstərilməsi, qanunvericilikdəki dəyişikliklər barədə vaxtında məlumatın çatdırılması;
- Məhkəmələrdə və digər səlahiyyətli dövlət orqanlarında qurumun hüquqi maraqlarının müdafiəsi, prosessual xarakterli sənədlərin hazırlanması;
- Daxil olan müraciət və şikayətlərin, habelə hüquq pozuntularına dair faktların araşdırılması və araşdırma nəticələrinin sənədləşdirilməsi;
- Məxfilik rejiminin və qanunvericilik tələblərinin gözlənilməsinə nəzarətin təmin edilməsi.
Namizədə olan tələblər
- Hüquqşünaslıq üzrə ali peşə təhsili;
- Vəzifənin funksiyalarına uyğun sahədə ən az 2 illik iş təcrübəsi;
- Azərbaycan dilini mükəmməl səviyyədə bilmək; rus dilini bilmək üstünlük sayılır;
- MS Office proqram paketlərindən sərbəst istifadə bacarığı.
Tələb olunan qanunvericilik bilikləri
- Şəhərsalma və tikinti sahəsini tənzimləyən qanunvericilik;
- Mülki və mülki prosessual qanunvericilik;
- İnzibati və inzibati prosessual qanunvericilik;
- İcra haqqında qanunvericilik;
- Əmək qanunvericiliyi.
Əmək şəraiti
- İş yeri: Tərtər şəhəri
- İş rejimi: Tam iş günü
- Əmək haqqı: Müsahibənin nəticəsinə görə tərəflərin razılığı əsasında müəyyənləşdirilir
Vakansiya aktiv deyil, son elanlara aşağıdan keçid edin
