İcarə və satış üzrə nümayəndə

Caspian Services Group MMC Bakı şəhərində — xüsusi texnika, o cümlədən dirsəkli, teleskopik və qayçı tipli qaldırıcılar, çəngəlli avtoyükləyicilər və digər tikinti avadanlığının icarəsi və satışı sahəsində fəaliyyət göstərən şirkət olaraq — İcarə və Satış üzrə Nümayəndə vəzifəsinə namizəd axtarır. Şirkətin portfelindəki avadanlıqlar arasında Haulotte, Dinolift, Genie, JLG, JCB, Hyster, Linde, Magni, Dieci və digər tanınmış brendlər yer alır.

İş yeri

Bakı şəhəri, Xəzər rayonu, Binə ŞTQ, Vaqif Mirzəyev küçəsi (CSG-Binə ofisi). Ofis yol kənarında yerləşir; “Koroğlu” metro stansiyasından təxminən 15 dəqiqəlik məsafədədir. Aviasiya Akademiyasına çatmamış ərazidə qeyd olunur. Xəritədə ətraflı bax: CSG-Binə.

İş şərtləri

• Azərbaycan Respublikası Əmək Məcəlləsinə uyğun rəsmi sənədləşmə və stabil iş yeri
• Əməkhaqqı namizədin bilik və təcrübəsinə görə müsahibə zamanı müəyyənləşdirilir
• İş qrafiki: həftənin 5 günü (Bazar ertəsi – Cümə), saat 08:30–17:30
• Şənbə və bazar — istirahət günləri
• İcbari sığorta
• Korporativ mobil rabitə (GSM) təminatı
• Şəxsi avtomobili xidməti məqsədlərlə istifadə etmək imkanı; yanacaq xərci şirkət tərəfindən ödənilir
• Peşəkar inkişaf və karyera irəliləyişi üçün şərait

Namizədlərə olan tələblər

• Təhsil: Ali təhsil; texniki, iqtisadi və ya biznesin idarə edilməsi ixtisasları üstünlük sayılır
• İş təcrübəsi: B2B satış və ya xüsusi texnikanın (qaldırıcı platformalar, avtoyükləyicilər) icarəsi sahəsində 1-3 il təcrübə
• Dil bilikləri: Azərbaycan dili — mütləq; rus və ya ingilis dili — arzuolunandır
• Peşəkar biliklər: Xüsusi texnika bazarı, podratçı şirkətlər və müştəri ehtiyaclarının təhlili üzrə analitik düşüncə qabiliyyəti
• Şəxsi keyfiyyətlər: İş etikasına riayət, güclü peşəkarlıq və korporativ davranış normalarına uyğunluq
• Komanda işi: Satış hədəflərini güdmək; həm müstəqil, həm də komanda daxilində səmərəli çalışmaq bacarığı
• Sürücülük: Etibarlı sürücülük vəsiqəsinin olması
• Korporativ qaydalar: Şirkətdaxili intizam, təhlükəsizlik (SƏTƏM) və digər daxili qaydalara ciddi riayət

Vəzifə öhdəlikləri

• Daxili qaydalar: Vəzifə təlimatını, intizam, SƏTƏM və İR normalarını, habelə müştəri xidməti standartlarını bilmək və tətbiq etmək
• Müştəri bazasının genişləndirilməsi: Şirkət balansındakı texnikaların (qayçı tipli qaldırıcılar, teleskopik yükləyicilər, çəngəlli avtoyükləyicilər və s.) qısa və uzunmüddətli icarəsi/satışı üçün isti/soyuq zənglər və sahə görüşləri vasitəsilə aktiv müştəri axtarışı
• B2B tərəfdaşlıq: Tikinti, xidmət sektoru və Neft-Qaz (Oil & Gas) sahəsində fəaliyyət göstərən yerli şirkətlər və birgə müəssisələrlə (JV) uzunmüddətli əməkdaşlıq əlaqələrinin qurulması
• Texniki məsləhət: Müştəri layihələrinə uyğun avadanlıq seçimində tövsiyə vermək və rəsmi kommersiya təklifləri (Quotes) hazırlamaq
• Daxili koordinasiya: Texnikanın obyektlərə operativ çatdırılması üçün əməliyyat (operations) və satınalma (procurement) şöbələri ilə əlaqəli işləmək
• Maliyyə nəzarəti: Hesablar və debitor borclar üzərində müntəzəm nəzarəti təmin etmək, razılaşdırılmış ödəniş şərtlərinə uyğunluğu izləmək
• Hesabatlılıq: Bazar təhlili, satış/icarə nəticələri və görülən işlər barədə rəhbərliyə mütəmadi hesabatlar təqdim etmək