Universitet kafedrasında İngilis dili müəllimi vəzifəsi üzrə vakansiya elan olunur. Vəzifə müvafiq kafedranın strukturunda yerləşir və birbaşa kafedra müdirinə tabedir. Namizəddən pedaqoji təcrübə, sahə üzrə ali təhsil və tədris prosesini müasir metodlarla qurmaq bacarığı gözlənilir.
Əmək funksiyaları
- Müvafiq qaydalara uyğun olaraq fənni tədris etmək
- Tədris prosesində innovativ təlim texnologiyalarından istifadə etmək və elektron tədris resursları yaratmaq
- Tələbələrlə təlim-tərbiyə işləri aparmaq və onları maarifləndirmək
- Kafedra iclaslarında mütəmadi iştirak etmək
- Tələbələrin tədqiqat işlərinə istiqamət vermək
- Sillabus, illik işçi planı və imtahan biletlərini vaxtında hazırlayaraq kafedra müdirinə təqdim etmək, imtahan cavablarını qiymətləndirmək
- Dekanlığın müəyyənləşdirdiyi vaxtlarda kollokviumların keçirilməsini təmin etmək
- Tələbələrin müstəqil işlərini planlaşdırmaq və təşkil etmək
- Həftəlik dərs günlərinin sayına uyğun olaraq imtahan nəzarətində iştirak etmək
- Universitetin müəyyən etdiyi qaydada imtahan gedişinə nəzarətçi kimi nəzarət etmək
- Elmi-tədqiqat işləri ilə məşğul olmaq, elmi konfranslarda və universitetin təşkil etdiyi tədbirlərdə iştirak etmək
- Tədris ilinin sonunda fərdi və illik iş planı üzrə hesabat təqdim etmək
Bilik tələbləri
- Azərbaycan Respublikasının təhsil qanunvericiliyi
- Ali təhsil üzrə dövlət təhsil standartları və təsdiq edilmiş proqramlar
- Tələbələrlə ünsiyyətin qurulması və onlarla tərbiyə işinin aparılması prinsipləri
Namizədə olan tələblər
- İngilis dili müəllimliyi, Filologiya və ya Tərcümə ixtisası üzrə ali təhsil
- Ən azı 3 il pedaqoji iş stajı
- Fəlsəfə doktoru elmi dərəcəsi (arzu olunan)
- Beynəlxalq sertifikatların olması: TKT, TESOL, CELTA, IELTS, SAT və s.
- Microsoft Office proqramları ilə işləmək bacarığı
- General English və ESP tədrisində praktik təcrübə
Müraciət qaydası
Maraqlanan namizədlər CV-lərini elanda göstərilən elektron poçt ünvanına göndərə bilərlər.
