İnşaat mühəndisi (Sahə)

Bakı şəhərində fəaliyyət göstərən şirkət tikinti layihələrinin sahədə icrası üzrə Sahə Mühəndisi axtarır. Bu vəzifə layihənin texniki sənədlərə uyğun həyata keçirilməsini, sahə komandasının idarə edilməsini və texniki ofislə fasiləsiz məlumat axınının təmin edilməsini əhatə edir.

İş şəraiti

• İş qrafiki: 6 günlük iş həftəsi
• Əmək haqqı: 1500 AZN (namizədin bilik və təcrübəsinə görə müəyyən edilir)
• İş yeri: Bakı

Vəzifənin məqsədi

Sahə mühəndisi layihələrin texniki sənədlərə uyğun icrasını təşkil edir, sifarişçi ilə operativ koordinasiyanı həyata keçirir, sahə komandasını idarə edir və layihənin vaxt və material planına uyğun irəliləməsini təmin etmək üçün texniki ofisə vaxtında hesabat və sənədlər təqdim edir.

Əsas vəzifə öhdəlikləri

• Sahədə sifarişçi və nəzarətçi ilə gündəlik koordinasiyanın aparılması, iclasların icrası və qəbul edilmiş qərarların həyata keçirilməsinə nəzarət
• Şirkətin sahə işçiləri və briqadalarının işinin təşkili, tapşırıqların bölgüsü və yerinə yetirilməsinə nəzarət
• Layihə sənədləri və çertyojlara əsasən işlərin yoxlanması, ölçülərin götürülməsi və tamamlanmış iş həcmlərinin təsdiqi
• Layihənin vaxt qrafikinə uyğunluğunun izlənməsi, gecikmə risklərinin müəyyən edilməsi, tədbir planının hazırlanıb rəhbərliyə çatdırılması
• Material ehtiyacının planlanması üçün texniki ofisə məlumat ötürülməsi, sahədə materialların qəbul edilməsi, yoxlanması və sərfiyyatın izlənməsi
• Texniki ofisə gündəlik və həftəlik irəliləyiş məlumatlarının, foto hesabatların, ölçü cədvəllərinin və icra qeydlərinin göndərilməsi
• İş jurnalları, icra aktları, yoxlama sənədləri, təhvil protokolları və “as-built” məlumatlarının toplanması və sistemləşdirilməsi
• Keyfiyyət və təhlükəsizlik tələblərinə əməl olunmasına nəzarət, HSE prosedurları ilə koordinasiya

Namizədə tələblər

• Ali təhsil: İnşaat mühəndisliyi və ya yaxın ixtisas
• Tikinti icrası və komanda koordinasiyası sahəsində minimum 2 il sahə təcrübəsi
• AutoCAD proqramı üzrə işlək bilik
• Tikinti norma və standartları, iş ardıcıllığı və texnoloji proseslər barədə güclü nəzəri və praktiki biliklər
• Layihə sənədlərini və texniki rəsmləri dəqiq oxuma və şərh etmə bacarığı
• Komanda idarəetməsi, yüksək məsuliyyət hissi və operativ qərarvermə qabiliyyəti
• Sifarişçi ilə yazılı və şifahi ünsiyyət, sahədə yarana biləcək problemləri müstəqil həll etmə bacarığı

Üstünlük sayılan bilik və bacarıqlar

• Revit, Civil 3D və ya Microsoft Project proqramları üzrə bilik
• Texniki ofis ilə sahə arasında koordinasiyada, planlamada və hesabatlılıqda sistemli yanaşma təcrübəsi

Müraciət qaydası

CV-nizi Müraciət et düyməsində göstərilən elektron poçt ünvanına, mövzu sətrində vakansiya adını qeyd edərək göndərə bilərsiniz.