Xaçmaz Konserv Fabrikində İnsan resursları üzrə kiçik mütəxəssis vəzifəsi üzrə əməkdaş axtarılır. Bu HR vakansiyası üçün uyğun namizədlərdən sənəd dövriyyəsi və əmək qanunvericiliyi bilikləri gözlənilir.
Tələblər
- Müvafiq sahə üzrə ali təhsil: İnsan Resurslarının İdarə Edilməsi, Biznesin İdarə Edilməsi, Menecment, Hüquq, İqtisadiyyat və ya digər uyğun ixtisaslar.
- İnsan resurslarının idarə edilməsi sahəsində iş təcrübəsi üstünlük hesab olunur.
- Azərbaycan Respublikasının Əmək Məcəlləsi və əmək qanunvericiliyi üzrə baza bilikləri.
- Microsoft Office proqramlarında sərbəst işləmək bacarığı.
- Analitik düşünmə, effektiv ünsiyyət və komanda ilə əməkdaşlıq bacarığı.
- Komanda daxilində səmərəli işləmək bacarığı.
Vəzifə öhdəlikləri
- İşçilərin şəxsi işlərinin hazırlanması, tamamlanması, sistemləşdirilməsi və arxivləşdirilməsini təmin etmək.
- İşə qəbul, vəzifə dəyişikliyi, məzuniyyət və əmək müqaviləsinə xitamla bağlı sənədlərin hazırlanması və rəsmiləşdirilməsi prosesində iştirak etmək.
- Əmək müqavilələrinin və onlara edilən əlavələrin hazırlanması və rəsmiləşdirilməsinə dəstək vermək.
- İşçilər barədə məlumatların müvafiq məlumat bazasına daxil edilməsini, mütəmadi yenilənməsini və düzgünlüyünün qorunmasını həyata keçirmək.
- Məzuniyyət, ezamiyyət və davamiyyət məlumatlarının qeydiyyatını aparmaq.
- Vakansiyalar üzrə elanların hazırlanması və yerləşdirilməsi, namizədlərin ilkin seçim mərhələsində iştirak etmək.
Əmək haqqı və digər üstünlüklər
- Əmək haqqı: razılaşma yolu ilə.
- Nahar şirkət tərəfindən təmin olunur.
Müraciət qaydası
Ünvan: Xaçmaz rayonu. Xaçmaz rayonunda və ətraf ərazilərdə yaşayan namizədlərə üstünlük veriləcək.
Tələblərə uyğun olduğunuz halda CV-nizi Müraciət et düyməsində göstərilən elektron poçt ünvanına göndərə bilərsiniz.
Email mövzu hissəsində “İnsan Resursları üzrə kiçik mütəxəssis Xaçmaz” qeyd etməyiniz xahiş olunur.
