İnsan resursları üzrə mütəxəssis

Ağdamda İnsan Resursları üzrə mütəxəssis vakansiyası üçün namizəd axtarılır. Bu rol çərçivəsində HR proseslərinin idarə olunması, ƏMAS, e-sosial və 1C ilə işləmək tələb olunur.

Əmək funksiyası

• “Tabia Group”un daxili prosedurlarına uyğun olaraq İnsan Resursları üzrə bütün əsas funksiyaları icra etmək: işə qəbul, təlim və inkişaf, əməkhaqqı və təminat proseslərinin idarə edilməsi, qanunvericilik tələblərinə uyğun fəaliyyət, komanda işi, əmək münasibətləri və müqavilələrin tənzimlənməsi, fəaliyyət səmərəliliyinin qiymətləndirilməsi, işçilərin təzminatı və təhlükəsizliyi, məşğulluq prosesləri və təşkilati strukturun hazırlanması.
• Əmək müqavilələrinin bağlanması, dəyişdirilməsi və xitamı ilə bağlı bildirişlərin ƏMAS və e-sosial sisteminə daxil edilməsi, vakant yerlərin işlənməsi, həmçinin işə qəbul olunan və işdən çıxan əməkdaşların İSB-yə vaxtında daxil edilməsi.
• İşçi ehtiyaclarının araşdırılması və təsdiq prosesində iştirak etmək, daxil olan müraciətləri təhlil etmək, tələb olunan səriştə, təcrübə və biliklərə uyğun namizədləri müsahibə mərhələsinə dəvət etmək, uğurlu namizədlər üzrə referansların alınmasını təmin etmək və müsahibə nəticələri barədə namizədləri məlumatlandırmaq.
• Məzuniyyət qrafiklərini hazırlamaq, əməkdaşlara məzuniyyət verilməsinin uçotunu aparmaq, məzuniyyətlərin cədvəl üzrə istifadəsinə nəzarət etmək, illik məzuniyyətlərlə bağlı əmrləri düzgün tərtib etmək, uzadılmaları, stajı və işə başlama tarixlərini izləmək, həmçinin ezamiyyət sənədlərini rəsmiləşdirmək və ezamiyyə vəsiqələrini hazırlamaq.
• Müasir HR yanaşmalarından, o cümlədən KPI, Performance Evolution, səriştələrin idarə edilməsi, təlim və karyera planlamasından istifadə edərək iş proseslərini həyata keçirmək.
• Əməkhaqqı kartlarının açılması və sifarişi ilə bağlı prosesi icra etmək.
• İşçilərin gündəlik və aylıq davamiyyətini izləmək, gündəlik və aylıq hesabatlar hazırlamaq, ay sonu davamiyyət tabellərini 1C və Excel vasitəsilə tərtib edərək mühasibatlığa təqdim etmək.
• Şirkət üzrə bütün növ əmrlərin yazılmasını icra etmək: işə qəbul, işdən azad etmə, ezamiyyət, məzuniyyət, mükafatlandırılma, intizam tənbehi və digər sənədlər, eləcə də əmək kitabçaları, xidməti müqavilələr, əlavə razılaşmalar, təhvil-qəbul aktları və xitam sənədləri.
• Protokollar, arayışlar və etibarnamələr hazırlamaq, akt və məktubları tərtib etmək, göndərilən sənədlərin həm jurnalda, həm də elektron qaydada qeydiyyatını aparmaq, onları skan etmək, ünvanına çatdırılmasına və icrasına nəzarət etmək.
• Rəhbərliyin tapşırığına əsasən ofis daxilində digər inzibati işləri yerinə yetirmək.

Tələblər

• Təhsil: Ali təhsil.
• İş təcrübəsi: İnsan resursları sahəsində ən azı 3 il iş təcrübəsi.
• Bilik və bacarıqlar: Azərbaycan Respublikasının Əmək Məcəlləsini bilmək; e-sosial, İSB və ƏMAS kimi elektron hökumət portalları ilə işləmə bacarığı; 1C 8.3 proqramında işləmə bacarığı; analitik düşüncə, ünsiyyət bacarığı və təqdimat qabiliyyəti; operativ və düzgün qərar vermək bacarığı; problem həll etmə bacarığı; teambuilding, networking və digər korporativ tədbirlərin koordinasiyası bacarığı.
• Kompüter bilikləri: MS Office proqramlarından və ofis texnikasından yüksək səviyyədə istifadə bacarığı.
• Dil bilikləri: Azərbaycan dili sərbəst, ingilis dili biliyi vacibdir.

İş şəraiti

• İş yeri Ağdam şəhərində yerləşir.
• Yaşayış yeri və qidalanma ilə təmin olunur.
• İşə gediş-gəliş üçün nəqliyyat vasitəsi ilə təmin edilir.

Müraciət qaydası

Uyğun namizədlərdən CV-lərini “İR üzrə mütəxəssis” qeyd etməklə, Müraciət et düyməsində göstərilən elektron poçt ünvanına göndərmələri xahiş olunur.