Daşkəsən şəhərində İnsan resursları üzrə mütəxəssis vakansiyası üzrə yeni komanda üzvü axtarılır. HR sənədləşməsi, əmək münasibətləri və kadr uçotu sahəsində təcrübəsi olan namizədlər müraciət edə bilər.
Vəzifə öhdəlikləri
- Əmək qanunvericiliyinə əsasən işə qəbul, işdən azadetmə, vəzifə dəyişiklikləri, mükafatlandırma və digər əmək münasibətləri ilə bağlı prosesləri icra etmək;
- Əmək kitabçalarının düzgün doldurulmasını və yenilənməsini təmin etmək;
- Əməkdaşların şəxsi işlərinin hazırlanmasını, qeydiyyatının aparılmasını və qaydasında saxlanılmasını təmin etmək;
- Əməkdaşların doğum günləri, bayram günləri və digər məlumatlandırıcı elektron məktubların vaxtında göndərilməsini təşkil etmək;
- Gündəlik olaraq əməkdaşlar tərəfindən alınan bütün icazələri qeydiyyata almaq;
- Əmrlərin çap olunmasını, imzaya təqdim edilməsini və düzgün nömrələnməsini təmin etmək;
- İnsan resurslarının idarə olunması şöbəsinin prosedurlarının hazırlanmasında, mövcud prosedurlara dəyişikliklərin edilməsində və yenilənmiş versiyaların struktur bölmələrlə razılaşdırılmasında iştirak etmək;
- Əməkdaşların məzuniyyət uçotunun hazırlanmasına dəstək vermək, mövcud məzuniyyət qalıqlarının aylıq yenilənməsində iştirak etmək, məzuniyyət əmrlərinin verilməsini və rəsmiləşdirilməsini təmin etmək, uçot məlumatlarının düzgünlüyünü izləmək;
- Əməkdaşların məzuniyyət qalıqlarının səmərəli idarə olunması üçün aylıq nəzarəti həyata keçirmək, əməkdaşları bu barədə mütəmadi məlumatlandırmaq və qalıqların vaxtında istifadə olunmasına yönəlik tədbirlərin görülməsini təmin etmək;
- Əməkdaşlar arasında əməkdaşlıq və motivasiyanın artırılması məqsədilə team building və digər korporativ tədbirlərin planlaşdırılmasında, təşkilində və icrasında iştirak etmək və dəstək göstərmək;
- Xəstəlik vərəqələrinin işlənilməsində və sosial məzuniyyətlərin rəsmiləşdirilməsində iştirak etmək və dəstək vermək;
- Hər ayın sonunda əməkdaşların iş vaxtı və davamiyyət məlumatlarını əks etdirən tabelin hazırlanmasına və vaxtında maliyyə şöbəsinə təqdim olunmasına dəstək olmaq;
- Ezamiyyət, məzuniyyət, xəstəlik vərəqələri və tərtib olunan əmrlərlə bağlı məlumatların qeydiyyatını aparmaq;
- Dəmir filizi sahəsində vətəndaşlarla keçirilən görüşlərdə iştirak etmək və zəruri dəstəyi təmin etmək;
- Struktur bölmə rəhbərlərindən əməkdaşların aylıq iş qrafiklərini toplamaq və uçotun aparılmasına dəstək vermək;
- İşə qəbul prosesində iştirak etmək və işə qəbul üzrə əməliyyat və sənədləşmə işlərini yerinə yetirmək;
- Rəhbərlik tərəfindən verilən, vəzifə təlimatına uyğun tapşırıqları bilavasitə rəhbəri məlumatlandırmaqla icra etmək.
Namizədə tələblər
- Ali təhsil;
- İnsan resursları sahəsində minimum 1-2 il iş təcrübəsi;
- Komanda ruhu, təşkilatçılıq bacarığı, ünsiyyət qurma, münasibətlərin formalaşdırılması, şəxsi və peşəkar inkişaf, hesabat yazma səriştəsi;
- Azərbaycan dili biliyi yüksək səviyyədə olmalıdır, rus və ingilis dili biliyi arzuolunandır;
- Microsoft Office proqramlarından yüksək səviyyədə istifadə bacarığı.
İş şəraiti
- İş yeri: Daşkəsən şəhəri;
- Zəruri hallarda ezamiyyət imkanları;
- 5 günlük iş rejimi (bazar ertəsi – cümə);
- İş vaxtı: 08:00-17:00;
- Servislə təmin olunma;
- Nahar yeməyi ilə təmin olunma.
Göstərilən tələblərə uyğun namizədlərdən CV-lərini mövzu hissəsində “İnsan resursları üzrə mütəxəssis” qeyd etməklə və minimum əmək haqqı tələbini göstərərək Müraciət et düyməsində qeyd olunan elektron poçt ünvanına göndərmələri xahiş olunur.
Yalnız ilkin seçim tələblərinə uyğun olan namizədlərlə əlaqə saxlanılacaq.
