İnsan Resursları və İnzibati İşlər üzrə Menecer

Assan Panel — Sumqayıt şəhərində fəaliyyət göstərən, poliuretan, PIR və daş yunu dolğulu sendviç panellər, soyuducu anbarlar və dam-divar sistemləri istehsal edən bir şirkətdir. Dayanıqlı və ekoloji binalar sektorunda mövqeyini möhkəmləndirən şirkət hazırda İnsan Resursları və İnzibati İşlər üzrə Menecer vəzifəsi üzrə namizəd axtarır.

İş Şəraiti

• İş yeri: Azərbaycan, Sumqayıt
• İş qrafiki: Həftə içi 5 gün, saat 08:00–17:00
• İstirahət günləri: Şənbə, bazar, habelə qanunvericiliklə müəyyən edilmiş bayram və hüzn günləri

Vəzifə Öhdəlikləri

İnsan Resursları və Ümumi İdarəetmə

• Şirkətin strateji hədəflərinə uyğun işə qəbul, kadr seçimi və saxlanılması siyasətinin formalaşdırılması və icrası
• Azərbaycan Respublikasının əmək qanunvericiliyi çərçivəsində işə qəbul (ehtiyacın müəyyənləşdirilməsindən onboarding-ə qədər), işdən azad edilmə (exit interview, son hesablaşma) və daxili vəzifə dəyişiklikləri proseslərinin idarə edilməsi
• e-gov.az, e-sosial.az, ems.sosial.gov.az, isb.az, mylife.az dövlət portallarında müvafiq əməliyyatların aparılması
• Fingerprint sistemi əsasında iş vaxtı uçotuna nəzarət, aylıq davamiyyət cədvəllərinin və hesabatların hazırlanması
• Sosial Müdafiə Fondu, Miqrasiya Xidməti, Əmək Müfəttişliyi, Statistika Komitəsi və digər dövlət qurumları ilə əlaqələrin idarə edilməsi
• Xarici vətəndaş əməkdaşlar üçün iş və müvəqqəti yaşama icazələrinin alınması prosesinin təmin edilməsi
• Daxili HR prosedur, qayda və təlimatların hazırlanmasına və yenilənməsinə nəzarət
• İşçi məlumat bazasının idarə edilməsi, şəxsi işlərin tərtibi, dəyişikliklərin qeydə alınması və müvafiq HR hesabatlarının hazırlanması
• Türkiyədəki Holding strukturu ilə əlaqələndirilmiş əməkdaşlıq və kommunikasiyanın təmin edilməsi

Təlim, İnkişaf və Performans İdarəetməsi

• İşçilərin bacarıq boşluqlarının və inkişaf ehtiyaclarının müəyyən edilməsi
• Təlim proqramlarının planlaşdırılması, koordinasiyası və həyata keçirilməsi
• İllik hədəflərin qoyulması və performans qiymətləndirmə dövrünün idarə edilməsi
• Mükafatlandırma və intizam tədbirlərinin tətbiqinə nəzarət
• Komanda ruhu tədbirləri, bayram mərasimləri və mükafatlandırma tədbirlərinin təşkili
• Kollektivdaxili münaqişə risklərinin azaldılması, iş mühitinin sabitliyinin və korporativ etik normaların qorunmasına dəstək
• İşçilərin şirkətə bağlılığının artırılmasına yönəlmiş strategiyaların işlənməsi, tətbiqi və izlənməsi

İnzibati İşlər

• Ezamiyyətlərlə bağlı aviabilet, transfer və otel rezervasiyalarının təşkili
• Korporativ mobil xətlər, yemək kartları və könüllü tibbi sığorta xidmətlərinin idarə edilməsi
• Catering şirkəti ilə münasibətlərin qurulması, xidmət keyfiyyətinə nəzarət və işçi məmnunluğunun təmin edilməsi
• Şirkətin inzibati-təsərrüfat işləri və ofis mühitinin nizam-intizamına nəzarət
• Aylıq təsərrüfat mallarının tədarükü və istifadəsinə nəzarət
• Balans və icarə nəqliyyat vasitələrinin GPS monitorinqi, cərimə və yol hərəkəti qaydaları pozuntularının izlənməsi
• Yanacaq kartlarının istifadəsinə nəzarət və hesabatların hazırlanması

Əmək Haqqı və Digər Ödənişlər

• Bütün işçilər üzrə aylıq əmək haqlarının hesablanması və bank köçürmələrinin icrası
• İllik məzuniyyət cədvəllərinin idarə edilməsi, istifadə edilmiş və qalıq günlərin uçotu, müvafiq kompensasiyaların hesablanması
• Son hesablaşma və istifadə olunmamış məzuniyyət ödənişlərinin hesablanması
• Əmək qabiliyyəti olmaması vərəqələrinin DSMF portalına daxil edilməsi və ödəniş prosesinin aparılması
• Bayram, qeyri-iş günləri və iş saatlarından artıq çalışmaya görə əlavə ödənişlərin hesablanması
• Ezamiyyət xərclərinin hesablanması və sənədləşdirilməsi
• İnsan resursları sahəsindəki aylıq və dövri hesabatların hazırlanaraq müvafiq tərəflərə təqdim edilməsi

Namizədə Tələblər

• Ali təhsil
• İngilis və rus dilləri — yaxşı səviyyədə
• MS Office proqramları (Word, Excel, PowerPoint, Outlook) — əla səviyyədə
• SAP və digər ERP HR proqramları ilə iş təcrübəsi; e-gov.az, e-sosial.az, ems.sosial.gov.az, isb.az, mylife.az portallarında işləmə bacarığı
• Azərbaycan əmək qanunvericiliyi üzrə dərin biliklər
• Güclü ünsiyyət qurma və insanlarla işləmə bacarığı
• Münaqişələrin idarə edilməsi və problemlərin həlli
• Analitik düşüncə və əsaslandırılmış qərar qəbulu
• Məsuliyyətlilik və məxfiliyə riayət
• Komanda rəhbərliyi və liderlik keyfiyyətləri
• Təşkilatçılıq, planlama və vaxt idarəetmə bacarığı
• Stress şəraitində işləmə və dəyişən mühitə adaptasiya qabiliyyəti

Şirkətin Təklifləri

• İşə gediş-gəliş üçün şirkət servis xidməti
• Gündəlik nahar şirkət hesabına
• Korporativ mobil nömrə və danışıq paketi
• Geniş əhatəli illik tibbi sığorta
• Əmək haqqı namizədin bilik, bacarıq və iş təcrübəsi nəzərə alınaraq müsahibə nəticəsində qarşılıqlı razılaşma əsasında müəyyənləşdirilir

Müraciət Qaydası

Yuxarıda sadalanan tələblərə cavab verirsinizsə, İnsan Resursları və İnzibati İşlər üzrə Menecer vəzifəsinin adını mövzu sətrinə yazaraq CV-nizi Müraciət et düyməsində göstərilən e-poçt ünvanına göndərə bilərsiniz.