JYSK Azerbaijan İnternet Mağazası üzrə Rəhbər axtarır.
Biz onlayn satışların inkişafını idarə edəcək, rəqəmsal satış həcmini artıracaq və komandanın işini səmərəli şəkildə yönləndirəcək rəhbər axtarırıq.
Əsas vəzifələr
- Onlayn satışların artırılması üçün gəlir, sifariş sayı, konversiya və orta çekin yüksəldilməsinə yönəlmiş təşəbbüslərin hazırlanması və tətbiqi.
- Komandanın idarə olunması, o cümlədən operatorlar və Bitrix CRM üzrə baş operatorun işinin təşkili, məqsədlərin qoyulması, tapşırıqların bölgüsü və nəticələrə nəzarət.
- KPI göstəricilərinin izlənməsi, satış, konversiya, orta çek və digər göstəricilərin təhlili, inkişaf imkanlarının müəyyən edilməsi və yaxşılaşdırıcı addımların həyata keçirilməsi.
- B2B istiqamətinin genişləndirilməsi, yeni korporativ müştərilərin cəlbi, tərəfdaşlıqların inkişafı və korporativ satışların artırılması.
- Biznes proseslərinin optimallaşdırılması, sifarişlərin emalı, müştəri müraciətlərinin işlənməsi və satışın müşayiəti proseslərinin təkmilləşdirilməsi.
- Müştəri təcrübəsinin təmin edilməsi, bütün əlaqə mərhələlərində yüksək xidmət səviyyəsinin qorunması.
- Bitrix CRM üzərində işin idarə olunması, müştəri satış hunisinin nəzarətdə saxlanılması, müraciətlərin keyfiyyətli emalı və sifarişlərin, potensial müştərilərin vaxtında izlənməsi.
- Pərakəndə mağazalar, marketinq, logistika və IT komandaları ilə koordinasiyanın aparılması, müştəri təcrübəsinin və satışların yaxşılaşdırılması üçün birgə işin təşkili.
- Planlaşdırma və hesabatlılıq, planların icrasına nəzarət, nəticələrin təhlili və onlayn istiqamətin inkişafı üzrə təkliflərin hazırlanması.
Namizədə tələblər
- Satış, e-commerce, retail və ya müştəri xidməti sahəsində azı 5 il iş təcrübəsi, bunun ən azı 2 ili rəhbər vəzifədə olmalıdır.
- Onlayn satış mexanizmləri və gəlirin artırılması yolları barədə anlayış.
- KPI, analitika və Excel ilə işləmək bacarığı.
- Güclü təşkilatçılıq və ünsiyyət bacarıqları.
- Azərbaycan və rus dillərində sərbəst danışıq.
Biz təklif edirik
- JYSK beynəlxalq şirkətində iş imkanı.
- Rəsmi məşğulluq.
- 2000 AZN sabit əməkhaqqı və KPI üzrə bonus.
- 5 günlük iş qrafiki, 09:00-dan 18:00-dək.
- Peşəkar inkişaf imkanları.
Müraciət qaydası
İş yeri Bakıdır. Maraqlanan namizədlər öz CV-lərini Müraciət et düyməsində göstərilən elektron poçt ünvanına göndərə bilərlər.
