Bakı şəhərində fəaliyyət göstərən şirkət İşə qəbul və təlim bölməsi müdiri vəzifəsi üzrə komandasına yeni üzv axtarır. Bu mövqe HR sahəsində idarəetmə təcrübəsi olan, işə qəbul proseslərini planlaşdıra bilən və işçilərin inkişafına töhfə verə biləcək namizədlər üçün nəzərdə tutulub. Vəzifə həm işə qəbul, həm də təlim və inkişaf funksiyalarının koordinasiyasını əhatə edir.
Vəzifə öhdəlikləri
- İşə qəbul bölməsinin gündəlik işini idarə etmək, komanda üzvlərinin fəaliyyətini planlaşdırmaq və performanslarını qiymətləndirmək
- Vakansiyaların vaxtında bağlanmasını təmin etmək və namizədlərin şəffaf qiymətləndirilməsinə nəzarət etmək
- Şirkətin işə qəbul siyasətinə əməl olunmasını izləmək, bu siyasətin və strategiyanın təkmilləşdirilməsi üçün təkliflər hazırlamaq
- Hər vəzifənin xüsusiyyətlərinə uyğun seçim meyarları müəyyən etmək, işə qəbul prosesini qurmaq və nəzarəti həyata keçirmək
- Yeni işçilər üçün adaptasiya prosesinin icrasını izləmək və bu prosesin təkmilləşdirilməsi üçün təkliflər vermək
- Bölmənin işi ilə bağlı səmərəliliyi artırmaq və çatışmazlıqları aradan qaldırmaq üçün təkliflər hazırlayıb müvafiq rəhbərliyə təqdim etmək
- Tabeliyində olan əməkdaşların performansını qiymətləndirmək, karyera inkişafı üçün tədbirlər görmək, fərdi inkişaf planları hazırlamaq və bilik-təcrübələrinin artırılması üçün fəaliyyət göstərmək
- Mövcud vakansiyalar üzrə namizəd bazasını yaratmaq və müntəzəm olaraq yeniləmək
- Təlim planına əsasən illik təlim büdcəsini müəyyənləşdirmək və effektiv idarə etmək
- İşçilərin təlimlərə cəlb olunması üçün effektiv ünsiyyət strategiyası qurmaq
- Şirkətin öyrənmə və inkişaf siyasətinə uyğun olaraq təlim proseslərinin təşkilini təmin etmək
- Təşkilati, funksional və fərdi səviyyədə təlim ehtiyaclarını təhlil edərək illik təlim planını hazırlamaq
Tələblər
- Ali təhsil (idarəetmə, iqtisadiyyat, insan resursları və ya oxşar sahə üzrə üstünlük təşkil edir)
- Müvafiq sahədə minimum 3 illik iş təcrübəsi
- Rus və ya ingilis dili bilikləri arzuolunandır
- Liderlik və komandanı motivasiya etmə bacarığı
- Yüksək səviyyəli ünsiyyət və təqdimat qabiliyyəti
- Retail sahəsində təcrübə üstünlük hesab olunur
- MS Office proqramlarından yaxşı istifadə bacarığı
Digər məlumatlar
- Nahar və servis xidməti təmin olunur
- Bazar şərtlərinə uyğun rəqabətli əmək haqqı
- Korporativ mobil nömrə
Vakansiya aktiv deyil, son elanlara aşağıdan keçid edin
