İstehsalat meneceri

Oğuz üzrə istehsalat meneceri vakansiyası açıqdır. Qarğıdalı emalı zavodunda istehsal proseslərinin idarə olunması, keyfiyyət nəzarəti və optimallaşdırma işləri bu vəzifəyə daxildir.

İş şəraiti

• İşəgötürən: Eden Agro MMC
• Struktur: Oğuz Qarğıdalı Emalı Zavodu
• Birbaşa rəhbər: Zavod rəhbəri
• İş yeri: Oğuz rayonu
• İş qrafiki: 5 günlük iş həftəsi, 1-5-ci günlər saat 09:00-18:00

Eden Agro MMC, Azərşəkər MMC-nin törəmə şirkəti kimi müasir aqrotexniki yanaşmalar və yüksək məhsuldarlıq standartları əsasında bitkiçilik və istehsal proseslərini həyata keçirir. Azərşəkər MMC isə kənd təsərrüfatı, emal və istehsal sahələrində fəaliyyət göstərən aparıcı aqrar-sənaye qruplarından biridir.

Vəzifə öhdəlikləri

• Hazır məhsulun keyfiyyətinə nəzarət etmək və istehsalın plana uyğun icrasına cavabdeh olmaq.
• İstehsal prosesini idarə etmək, onu optimallaşdırmaq və sistemin düzgün işləməsini təmin etmək.
• Texnoloji proseslərin iqtisadi əsaslandırılmasını aparmaq, onları hazırlamaq, tətbiq etmək və məhsul buraxılışı rejimlərini işləmək.
• İstehsalatın texnoloji hazırlığını və texniki yenidənqurmasını təşkil etmək, xammal, material və əmək sərfinə qənaəti dəstəkləmək.
• Yeni texnika və texnologiyaların tətbiqinə dair sənədləşmənin hazırlanmasına nəzarət etmək.
• Yeni texnika və texnologiyaların tətbiqi, sınağı və mənimsənilməsi müddətinin azaldılması üzrə tədbirlərin hazırlanmasında iştirak etmək.
• İstehsal gücünün artırılması, məhsul keyfiyyətinin yüksəldilməsi və əməyin təşkilinin təkmilləşdirilməsi prosesinə qoşulmaq.
• Məhsulun təhlükəsizliyi və keyfiyyətinə təsir edən riskli amilləri aradan qaldırmaq, qəza halları üçün tədbirlərin icrasına nəzarət etmək.
• Texnoloji hesabatların hazırlanmasını təşkil etmək.
• Digər bölmə rəhbərləri ilə birgə istehsalın optimallaşdırılması və büdcə çərçivəsində yeni mütərəqqi texnologiyaların tətbiqi ilə bağlı rəhbərliyə təkliflər vermək.
• Rəhbərlik tərəfindən razılaşdırılmış texnoloji prosesin düzgün idarə olunmasına nəzarət etmək və prosesdən kənara çıxma hallarının qarşısını almaq.
• İşçilərlə qarşılıqlı dialoqlarda iştirak edərək onların istehsal prosesini daha dərindən mənimsəməsinə dəstək vermək.
• İstehsalat dayanmalarını təhlil etmək, məhsul keyfiyyətini aşağı salan amillərin araşdırılması və aradan qaldırılmasında iştirak etmək.
• İstehsalat zamanı operatorların qarşılaşdığı çətinliklərin tez həllinə kömək göstərmək.
• Xammal və materiallardan müəyyən olunmuş norma daxilində istifadəyə nəzarət etmək.
• İstehsalatın planlaşdırılması, vaxt normalarının yaxşılaşdırılması, iş yerinin attestasiyası və müasirləşdirilməsi üçün plan hazırlamaq.
• Eyni məhsul istehsalçılarının qabaqcıl təcrübəsinə əsaslanaraq yeni metodların işlənməsini təmin etmək.
• Qəza vəziyyətləri üçün tədbirlər planını müəyyənləşdirmək və icrasını izləmək.
• İstehsalat sexinin və avadanlıqların düzgün yuyulmasına, həmçinin yuyucu və dezinfeksiyaedici vasitələrin normaya uyğun istifadəsinə nəzarət etmək.
• İş alətləri, avadanlıqlar, iş geyimləri və Fərdi Mühafizə Vasitələrindən düzgün və səliqəli istifadəyə nəzarət etmək.
• İstehsalın dayanması, iş rejiminin pozulması, keyfiyyətsiz məhsul istehsalı, texniki təhlükəsizlik və sanitariya qaydalarının pozulması hallarında dərhal birbaşa rəhbəri məlumatlandırmaq.
• Tabeçiliyində olan işçilərin daxili əmək intizamı qaydalarına əməl etməsini təmin etmək.

Vəzifə tələbləri

• Ali təhsil: qida mühəndisliyi, kimya mühəndisliyi, aqrar mühəndislik, texnoloji proseslər və ya əlaqəli ixtisaslar.
• İstehsalat sahəsində minimum 3-5 il iş təcrübəsi.
• Qida və ya aqrar emal müəssisəsində ən azı 2 il rəhbər vəzifədə təcrübə.
• Qarğıdalı və ya digər kənd təsərrüfatı məhsullarının emalı sahəsində təcrübə üstünlükdür.
• İstehsal proseslərinin qurulması, planlaşdırılması və optimallaşdırılması üzrə praktiki bilik.
• Texnoloji xətt və sənaye avadanlıqlarının iş prinsiplərini yaxşı bilmək.
• İstehsal gücünün artırılması, itkilərin azaldılması və xərclərin optimallaşdırılması üzrə təcrübə.
• ISO, HACCP və digər keyfiyyət idarəetmə sistemləri barədə məlumat və tətbiq təcrübəsi.
• İstehsal planının hazırlanması, gündəlik və aylıq hesabatların tərtibi bacarığı.
• Anbar, xammal və hazır məhsul dövriyyəsinə nəzarət təcrübəsi.
• Komandanın idarə olunması, motivasiya və performansın qiymətləndirilməsi bacarığı.
• Problemləri operativ həll etmək və qərar vermək qabiliyyəti.
• Yüksək məsuliyyətlilik, intizam və təşkilatçılıq.
• Azərbaycan dili səlis, İngilis dili və rus dili yaxşı səviyyədə.
• Microsoft Office proqramlarını sərbəst istifadəçi səviyyəsində bilmək.

Biz təklif edirik

• Rəqabətli əməkhaqqı və performansa əsaslanan bonus sistemi.
• Korporativ tibbi sığorta paketi.
• Peşəkar və liderlik inkişaf proqramları.
• Beynəlxalq və yerli təlimlərdə iştirak imkanı.
• Karyera yüksəlişi və qrup daxilində rotasiya imkanları.
• Böyük miqyaslı aqrar-sənaye layihələrində iştirak imkanı.
• Dinamik və strateji idarəetmə mühitində çalışma fürsəti.
• Qrupdaxili xüsusi güzəştlərdən istifadə imkanı.